టీమ్ఇండియా స్టార్ బ్యాటర్ విరాట్ కోహ్లీ న్యూజిలాండ్తో జరిగిన టీ20 సిరీస్కు విరామం తీసుకున్నాడు. వరుస టూర్లతో సరదాగా గడుపుతూ పర్సనల్ లైఫ్ను ఎంజాయ్ చేస్తున్నాడు. అందులో భాగంగానే ఇటీవల రిషికేశ్లోని ' వృందావన్' ఆశ్రమానికి తన భార్య అనుష్కశర్మతో కలిసి వెళ్లాడు. అనంతరం కొండలపై సరదాగా ట్రెక్కింగ్ చేశాడు. ఆ ఫొటోలను పంచుకున్నాడు విరాట్. ఈ సందర్భంగా సోషల్ మీడియాలో కోహ్లీ పెట్టిన పోస్టు వైరల్గా మారింది.
'నీ మనసుకు ఎటు వెళ్లాలో తెలుసు. ఆ దిశలోనే పరుగెత్తు' అంటూ ఇన్స్టాగ్రామ్లో స్టోరీ పెట్టాడు. ఈ స్టోరీని చాలా మంది సోషల్మీడియాలో షేర్ చేశారు. దీంతో కోహ్లీపై చర్చ మొదలైంది. విశ్రాంతి తీసుకున్న సమయంలో జరిగిన విషయాల గురించి విరాట్ చెబుతున్నాడని కొంత మంది నెటిజన్లు కామెంట్లు చేస్తున్నారు. మరి కొందరు తన భవిష్యత్ గురించి కీలక నిర్ణయాలు తీసుకోబోతున్నాడని అంటున్నారు. కాగా, విరాట్ కోహ్లీ, వచ్చేవారంలో ఆసీస్తో జరగబోయే టెస్టు సిరీస్కు అందుబాటులో ఉంటాడు. ప్రస్తుతం కోహ్లీ మంచి ఫామ్ను కొనసాగిస్తున్నాడు. ఇక ఆసీస్పై కూడా విరాట్కు మంచి రికార్డు ఉంది. ఈ టెస్టు సిరీస్ ఫిబ్రవరి 9 నుంచి సిరీస్ మొదలవుతుంది.
