సెంచరీ కోసం ఎంతో ఆసక్తిగా ఎదురుచూసిన విరాట్ కోహ్లీ అభిమానులను ఈ ఏడాది కూడా నిరాశే ఎదురైంది. రెండేళ్ల నుంచి ఫామ్లేమితో ఇబ్బంది పడుతున్న విరాట్.. 2021లో కూడా సెంచరీ చేయకుండానే ముగించాడు. నేడు(బుధవారం) దక్షిణాఫ్రికాతో జరుగుతున్న మొదటి టెస్టు నాలుగో రోజు ఆట రెండో ఇన్నింగ్స్లో కేవలం 18 పరుగులు మాత్రమే చేసి ఔటయ్యాడు. మార్కొ జాన్సెన్ బౌలింగ్లో షాట్కు యత్నించి డికాక్ చేతికి క్యాచ్ ఇచ్చి వెనుదిరిగాడు.
అదే చివరి సెంచరీ
కోహ్లీ చివరిసారిగా 2019 ఈడెన్ గార్డెన్స్లో బంగ్లాదేశ్తో జరిగిన డేనైట్ టెస్టులో శతకం బాదాడు. ఆ తర్వాత ఇప్పటివరకు సెంచరీ చేయలేదు. అప్పటి నుంచి అతడు 60 ఇన్నింగ్స్ ఆడగా.. 39.20 సగటుతో 2078 పరుగులు చేశాడు. ఇందులో 20 అర్ధ శతకాలు ఉన్నాయి. మరి వచ్చే ఏడాదైనా సెంచరీతో అభిమానులను అలరిస్తాడో లేదో చూడాలి.
కెప్టెన్సీకి గుడ్బై
ఫామ్లో లేని కారణంగా.. బ్యాటింగ్పై దృష్టిసారించడానికి టీ20 కెప్టెన్సీకి ఇటీవలే గుడ్బై చెప్పాడు కోహ్లీ. ఆ తర్వాత అతడిని వన్డే కెప్టెన్సీ నుంచి కూడా తప్పిస్తూ ఆ బాధ్యతలను రోహిత్ శర్మకు అప్పగించింది టీమ్ మేనేజ్మెంట్.
ఇదీ చూడండి: కోహ్లీ అలా ఉండటం వల్లే భారత్కు విజయాలు: భజ్జీ
