Virat Kohli: విరాట్ కోహ్లీ అకాడమీకి వచ్చి తన బేసిక్స్ను తిరిగి నేర్చుకోవాలని సలహా ఇచ్చాడు చిన్ననాటి కోచ్ రాజ్కుమార్ శర్మ. 'ఖేల్నీతి' పోడ్కాస్ట్లో మాట్లాడిన అతడు ఈ మేరకు వ్యాఖ్యలు చేశాడు. కోహ్లీ అకాడమీకి వచ్చి బేసిక్స్పై సాధన చేసిన తర్వాత అంతర్జాతీయ క్రికెట్లో ఎలా రాణించాడో వివరించాడు.
కోహ్లీ తన బేసిక్స్ను తిరిగి నేర్చుకోవాలి. అతడు తిరిగి అకాడమికి రావాలని కోరుకుంటున్నాను. నిన్నటి నుంచి ఈ విషయంపై ఆలోచిస్తున్నాను త్వరలో కోహ్లీతో మాట్లాడుతాను. కోహ్లీకి అకాడమీలో ఉన్నప్పటి విశ్వాసాన్ని తిరిగి సంపాదించుకోవాలి. కోహ్లీ బాగానే రాణిస్తున్నాడు కానీ, దురదృష్టవశాత్తు అతడు అతి జాగ్రత్తగా ఆడుతున్నాడు. కెరీర్ ప్రారంభంలోలాగా స్వేచ్ఛగా ఆడితే త్వరలోనే ఉన్నత స్థానాన్ని తిరిగి చేరుకుంటాడు. ఇలాంటి వికెట్లపై పంత్, అయ్యర్లాగా మరికొన్ని అవకాశాలు తీసుకోవాలి.
-రాజ్కుమార్ శర్మ, విరాట్ కోహ్లీ చిన్ననాటి కోచ్
విరాట్ కోహ్లీ 71 సెంచరీ చేస్తాడని అభిమానులు ఎంతగానో ఎదురుచూస్తున్నారు. బెంగళూరు వేదికగా జరిగిన పింక్ బాల్ టెస్టులో కోహ్లీ రెండు ఇన్నింగ్సుల్లోనూ వికెట్ల ముందు దొరికిపోయాడు.
ఇదీ చదవండి:భారత జట్టుపై కైఫ్ ట్వీట్.. కోహ్లీ ఫ్యాన్స్ ఫైర్
