Surya Kumar Yadav Mumbai Indians : ఐపీఎల్ మొదలు కాకుండానే ముంబయి ఇండియన్స్కు గట్టి షాక్ తగలనుంది. ఆ టీమ్కు సంబంధించిన స్టార్ క్రికెటర్ సూర్య కుమార్ జట్టుకు దూరం కానున్నాడు. అయితే మొత్తానికా లేకుంటే కొన్ని మ్యాచులకేనా అన్న విషయంపై ఇంకా క్లారిటీ రాలేదు.
ప్రస్తుతం సూర్యకుమార్ యాదవ్ హెర్నియా అనే సమస్యతో బాధపడుతున్నాడు. ఇప్పటికే అతడ గాయం కారణంగా టీమ్ఇండియాకు దూరమైన సంగతి అందరికీ తెలిసిందే. సౌతాఫ్రికాతో జరిగిన ఆఖరి టీ20 సిరీస్‌లోనూ సూర్యకు చీలమండలానికి గాయమైంది. దీతో అతడు చికిత్స తీసుకుంటున్నాడు. ప్రస్తుతానికి మాత్రం నెమ్మదిగా కోలుకుంటున్నాడు. అయితే హెర్నియా సమస్యను పూర్తిగా తొలగించుకునేందుకు సూర్యకుమార్ ఓ సర్జరీ చేయించుకోనున్నాడు. దీని కోసం ఇప్పటికే బీసీసీఐ మెడికల్ ఎక్స్పర్ట్స్ను కూడా సంప్రదించారు. ఈ నేపథ్యంలో మరికొన్ని రోజుల్లో విదేశాల్లో సూర్యకుమార్ ఆపరేషన్ చేయించుకునే అవకాశాలు ఉన్నాయి. అయితే సర్జరీ తర్వాత సూర్య కోలుకోవడానికి కనీసం ఎనిమిది నుంచి తొమ్మిది వారాల సమయం పడుతుందని నిపుణుల అంచనా. దీంతో ఐపీఎల్కు అతడు దూరమయ్యే అవకాశాలున్నట్లు స్పష్టమవుతోంది.
మరోవైపు ఈ ఏడాది జూన్‌లో టీ20 ప్రపంచకప్ జరగనుంది. ఈ మెగాటోర్నీని దృష్టిలో పెట్టుకొని ఐపీఎల్ మొత్తానికి కూడా సూర్య రాకుండే ఉండే అవకాశాలూ లేకపోలేదు. అయితే ఐపీఎల్ సమయానికి సూర్య కోలుకునే అవకాశాలు కూడా ఉన్నాయంటూ బీసీసీఐ అధికారి ఒకరు తెలిపారు. ఇక ఈ చికిత్స్ కారణంగా జనవరి 11 నుంచి ఆఫ్గానిస్థాన్తో జరిగే మూడు మ్యాచ్‌ల T20 సిరీస్‌కు కూడా సూర్య దూరం కానున్నాడు.
India Vs Afghanistan T20 : ఆఫ్గానిస్థాన్ టీ20 సిరీస్‌కు టీమిడియా జట్టు (అంచనా) : రోహిత్ శర్మ (కెప్టెన్), యశస్వి జైస్వాల్, ఇషాన్ కిషన్, రింకూ సింగ్, తిలక్ వర్మ, జితేశ్ శర్మ, సంజు శాంసన్ (వికెట్ కీపర్), వాషింగ్టన్ సుందర్, అక్షర్ పటేల్, శివమ్ దూబే, ముకేశ్ కుమార్, రవి బిష్ణోయ్, అర్ష్‌దీప్ సింగ్, ప్రసిద్ధ్ కృష్ణ, అవేష్ ఖాన్.
ఎవరూ టచ్ చేయనంత దూరంలో సూర్య- 2024 వరల్డ్కప్ దాకా పొజిషన్ సేఫ్!- ఐసీసీ టీ20 ర్యాంకింగ్స్ రిలీజ్
సూర్య భాయ్ ధనాధన్ సెంచరీ- రోహిత్ రికార్డ్ సమం- ప్రత్యర్థి ముందు భారీ టార్గెట్
