తలచుకుంటే కోట్లలో లావాదేవీలు జరిపే స్థాయి అతడికి ఉంది. ఆస్తితో పాటు పేరు ప్రఖ్యాతలు వారసత్వంగా వచ్చినా, తండ్రి శ్రీమంతుడైనా, నచ్చిన దారిలో వెళుతూ, తనదైన ముద్ర వేయాలని అనుక్షణం తపన పడుతున్నాడు భారత ఫస్ట్క్లాస్ క్రికెటర్ ఆర్యమాన్ బిర్లా.
తండ్రి చేస్తున్న వ్యాపారంలో చేరకుండా కొన్ని భిన్నమైన ప్రణాళికలు ఏర్పరచుకున్నాడు ఆర్యమాన్. చిన్న వయసు నుంచే క్రికెట్పై ఇష్టం పెంచుకున్నాడు. ఆ వైపుగా అడుగులు వేశాడు.
"నా పేరు కారణంగా ఒత్తిడి ఉంటుందని అందరూ అనుకోవచ్చు. కానీ అది నాకిష్టమైన మార్గాన్ని నిర్మించుకోవటానికి ఉపయోగపడుతుంది. మైదానంలో ఆడుతున్నప్పుడు మాత్రం బంతిపైనే దృష్టి ఉండాలి. అది నా బాధ్యత. దాన్ని ముందుకు తీసుకెళ్లడానికే నేను ఇష్టపడతాను"
- ఆర్యమాన్ బిర్లా, భారత ఫస్ట్క్లాస్ క్రికెటర్
ఆర్యమాన్ కుటుంబానికి చెందిన ఆదిత్య బిర్లా గ్రూప్లో అతడి తండ్రి కుమార్ మంగళం బిర్లాకు రూ.70 వేల కోట్ల ఆస్తి ఉంది. బిజినెస్ ఇన్సైడర్ ప్రకారం, 1995లో కుమార్ మంగళం బిర్లా బాధ్యతలు అందుకున్నప్పటి నుంచి వ్యాపారం 26 రెట్లు పెరిగింది. 2015లో 41 బిలియన్ డాలర్లకు చేరుకుంది.
ఇదీ చూడండి: క్రికెటర్ హార్దిక్ పాండ్య వాచ్ ఖరీదు అన్ని కోట్లా?
