వచ్చే ఏడాది ఐపీఎల్ సీజన్(IPL 2022 New Teams) అభిమానుల్లో సరికొత్త జోష్ నింపనుంది. 2022 లీగ్లో పది టీమ్లు పాల్గొంటాయని బీసీసీఐ ప్రకటించింది. ఈ మేరకు రెండు కొత్త టీమ్ల కోసం ఇటీవలే టెండర్లు కూడా ఆహ్వానించింది. ఈ ఫ్రాంచైజీలను సొంతం చేసుకునేందుకు స్వదేశీ సంస్థలతో పాటు విదేశీ సంస్థలు కూడా ఆసక్తి చూపిస్తున్నట్లు వార్తలు వస్తున్నాయి. తాజాగా మరో ఆసక్తికరమైన విషయం వెలుగులోకి వచ్చింది. బాలీవుడ్ స్టార్ కపుల్ రణ్వీర్ సింగ్-దీపికా పదుకొణె జంట(Ranveer Singh News) ఓ ఫ్రాంచైజీని కొనేందుకు ఆసక్తి చూపుతున్నట్లు తెలుస్తోంది. కాగా, ఓ ఫ్రాంచైజీ ఫుట్బాల్ క్లబ్ 'మాంచెస్టర్ యునైటెడ్' కూడా బీసీసీఐ నుంచి టెండర్ పత్రాలు కొనుగోలు చేసినట్లు సమాచారం.
కొత్తేం కాదు..
ఐపీఎల్ జట్ల కొనుగోలుపై నటీనటులు ఆసక్తి చూపడం కొత్తేం కాదు. ఇప్పటికే ప్రీతి జింతా, షారుక్ ఖాన్.. పంజాబ్, కోల్కతా జట్లకు సహయజమానులుగా ఉన్నారు.
క్రీడలతో అనుబంధం..
దీపిక, రణ్వీర్ జంటకు(Deepika Padukone News) క్రీడలతో మంచి అనుబంధమే ఉంది. దీపిక తండ్రి ప్రకాశ్ పదుకొనే.. ఒకప్పటి ఆల్ ఇంగ్లాండ్ బ్యాడ్మింటన్ ఛాంపియన్. కాగా, రణ్వీర్.. ప్రముఖ బాస్కెట్బాల్ లీగ్ ఎన్బీఏకు అంబాసిడర్గా ఉన్నాడు. ఇంగ్లీష్ ప్రీమియర్ లీగ్తోనూ రణ్బీర్కు సంబంధాలున్నాయి.
ఇదీ చదవండి:
