ఐపీఎల్ లీగ్లో మరో రెండు కొత్త జట్లను(ipl new teams) రానున్నాయి. వాటి వేలాన్ని అక్టోబరు 25న నిర్వహించనుంది బీసీసీఐ. కొత్త టీమ్లకు యజమానులు కావడానికి చాలా కంపెనీలు (ipl new teams names latest) ఆసక్తి చూపిస్తున్నాయి. ఈ క్రమంలో కొత్త జట్లను దక్కించుకునేందుకు అహ్మదాబాద్, లక్నోలు ముందువరుసలో ఉన్నాయని సమాచారం. అహ్మదాబాద్ నుంచి అదానీ గ్రూప్ బిడ్డింగ్ చేస్తున్నట్లు తెలుస్తోంది. మరో సంస్థ మాంచెస్టర్ యూనైటెడ్ ప్రీమియర్ లీగ్ లక్నో తరపున బిడ్డింగ్ చేస్తున్నట్లు విశ్వసనీయ వర్గాల సమాచారం.
వేలంలో పాల్గొనేందుకు అవసరమైన ఐటీటీ డాక్యుమెంట్ (రూ.10 లక్షల విలువ)ను దాదాపు 20 పార్టీలు కొనుగోలు చేసినట్లు సమాచారం. జట్ల మొదటి ధరను రూ.2000 కోట్లుగా బీసీసీఐ ఇప్పటికే ప్రకటించింది. అన్నీ పార్టీలు వేలం జరగనున్న దుబాయ్కి ఇప్పటికే చేరుకున్నాయి.
యూరప్కు చెందిన ప్రముఖ ఫుట్బాల్ క్లబ్ మాంచెస్టర్ యునైటెడ్, ఒడిశాకు చెందిన పవర్, స్టీల్, కోల్ తయారీ సంస్థ, కార్పొరేట్ వెంచర్ క్యాపిటల్(సీవీసీ), అమెరికాకు చెందిన ప్రైవేట్ ఈక్విటీ సంస్థలు ఐపీఎల్ కొత్త జట్లపై కన్నేశాయని తెలుస్తోంది. సీవీసీ ఇప్పటికే ఫార్ములావన్ను సొంతం చేసుకుంది.
నవీన్ జిందాల్..
జిందాల్ స్టీల్, పవర్ సంస్థ ఛైర్మన్ నవీన్ జిందాల్ కూడా ఐపీఎల్ జట్టును కొనుగోలుకు ఆసక్తి చూపిస్తున్నారు. యూరప్కు చెందిన ఫుట్బాల్ టీమ్తో బీసీసీఐ ఇప్పటికే చర్చలు జరిపింది. కానీ ఆ పేరును బయటపెట్టడానికి నిరాకరించింది. వీరితో పాటు కొటాక్ గ్రూప్, టొరెంట్, అరబిందో, రెండు ఫార్మాస్యూటికల్స్ సంస్థలు, అదానీ గ్రూప్, సంజీవ్ గొయెంకా కూడా ఐపీఎల్ ఫ్రాంచైజ్కు పోటీ పడుతున్నట్లు సమాచారం.
ఇదీ చదవండి:వార్మప్ మ్యాచ్లే టీమ్ఇండియాకు ప్రమాణం కాదు: యువరాజ్
