T20 World Cup Kohli Pant: ఒత్తిడి పరిస్థితుల్లో ఉన్నప్పుడు టీమ్ఇండియా మాజీ సారథి విరాట్ కోహ్లీకి ఉన్న అపారమైన అనుభవం తమకు దోహదం చేస్తుందని స్టార్ బ్యాటర్ రిషభ్ పంత్ తెలిపాడు. టీ20 ప్రపంచకప్లో భాగంగా ఆదివారం పాకిస్థాన్తో జరగబోయే మ్యాచ్లో మళ్లీ కోహ్లీతో కలిసి అద్భుతమైన బ్యాటింగ్ భాగస్వామ్యాన్ని నమోదు చేయాలనుకుంటున్నట్లు చెప్పాడు.
"వాస్తవానికి కోహ్లీ.. క్లిష్టమైన పరిస్థితులను ఎలా ఎదుర్కోవాలో నేర్పించగలడు. అది క్రికెట్ కెరీర్లో ఏ ప్లేయర్కైనా తప్పక ఉపయోగపడుతుంది. అతడితో బ్యాటింగ్ చేయడం ఎప్పుడూ బాగుంటుంది. ఎప్పుడైనా ఎక్కువ అనుభవం ఉన్న ప్లేయర్తో ఆడడం చాలా బెటర్. ఎందుకంటే వారి నుంచి ఎన్నో కొత్త విషయాలు నేర్చుకోవచ్చు."
-- రిషభ్ పంత్, స్టార్ బ్యాటర్
"గత ప్రపంచకప్లో పాకిస్థాన్తో జరిగిన మ్యాచ్లో హసన్ అలీ బౌలింగ్లో ఒకే ఓవర్‌లో రెండు సిక్సర్లు బాదిన క్షణాలు నాకు ఇంకా గుర్తున్నాయి. నేను, కోహ్లీ కలిసి జట్టు రన్రేట్ పెంచడానికి చాలా ప్రయత్నించాం. 53 పరుగుల భాగస్వామ్యాన్ని నమోదు చేశాం. అయితే పాకిస్థాన్తో మ్యాచ్ ఆడడం ఎప్పుడూ ప్రత్యేకమే. ఎందుకంటే ఆ మ్యాచ్కు ఉన్న క్రేజ్ అంతా ఇంతా కాదు" అంటూ పంత్ చెప్పుకొచ్చాడు.
ఇవీ చదవండి: T20 World Cup: సూపర్-12లోకి ఏ జట్లు వెళ్లనున్నాయో?
