IPL 2022 CSK VS KKR: ఐపీఎల్ 15వ సీజన్ మొదటి మ్యాచ్లో కోల్కతా నైట్రైడర్స్ ఘన విజయం సాధించింది. చెన్నై జట్టు నిర్దేశించిన 132 పరుగులను 18.3 ఓవర్లలోనే ఛేదించింది.
132 స్వల్ప పరుగుల లక్ష్యఛేదనకు దిగిన కోల్కతా జట్టు ఓపెనర్లు అజింక్య రహెనే, వెంకటేష్ అయ్యర్ శుభారంభం చేశారు. మెుదటి ఓవర్లోనే వెంకటేశ్ అయ్యర్(16).. బ్రావో బౌలింగ్లో అవుటయ్యాడు. అనంతరం బ్యాటింగ్కు దిగిన నితిశ్ రానా(21) నిలకడగా ఆడగా.. బ్రావో వేసిన పదో ఓవర్లో రాయుడుకు క్యాచ్ ఇచ్చి పెవిలియన్కు చేరాడు. అర్ధ సెంచరీ పూర్తి చేయడానికి దగ్గరవుతున్న ఓపెనర్ రహెనే(44)ను మిచెల్ శాంట్నర్‌ అవుట్ చేశాడు. అనంతరం బ్యాటింగ్ దిగిన బిల్లింగ్స్(25) బ్రావో బంతికి అవుటయ్యాడు. కెప్టెన్ శ్రేయస్ అయ్యర్(20), జాక్సన్(3) నాటౌట్గా నిలిచారు. చెన్నై బౌలర్లలో బ్రావో మూడు వికెట్లు తీయగా.. శాంట్నర్‌ ఒక వికెట్ పడగొట్టాడు.
అంతకు ముందు, టాస్ ఓడి బ్యాటింగ్కు దిగిన చెన్నై జట్టుకు ఆరంభంలోనే కోల్కతా షాక్‌ ఇచ్చింది. ఉమేశ్ యాదవ్ వేసిన తొలి ఓవర్లోనే సీఎస్కే ఓపెనర్ రుతురాజ్‌ గైక్వాడ్‌ (0) అవుటయ్యాడు. ఉమేశ్ యాదవ్ వేసిన ఇన్నింగ్స్ ఐదో ఓవర్లో మరో ఓపెనర్ డెవాన్ కాన్వే (3).. శ్రేయస్ అయ్యర్‌కు చిక్కి పెవిలియన్ చేరాడు. రాబిన్ ఉతప్ప (28) నిలకడగా ఆడాడు. వరుణ్ చక్రవర్తి వేసిన చక్కటి బంతికి స్టంపౌటయ్యాడు. అనంతరం ఆ ఓవర్లోనే అంబటి రాయుడు కూడా రనౌటై.. క్రీజు వీడాడు. ఆండ్రీ రసెల్ వేసిన బంతికి శివమ్‌ దూబె (3).. సునీల్ నరైన్‌కు చిక్కాడు. దీంతో సగం ఓవర్లకే చెన్నై సగం వికెట్లు కోల్పోయినట్లయింది. కెప్టెన్ రవీంద్ర జడేజా(26), ధోనీ(50) నాటౌట్గా నిలిచారు. ఆఖర్లో ధోనీ సిక్స్లు, ఫోర్లతో మెరిపించాడు. కోల్కతా బౌలర్లలో ఉమేశ్ యాదవ్ రెండు వికెట్లు తీయగా, రుసెల్, వరుణ్ చక్రవర్తి తలో వికెట్ పడగొట్టారు.
ఇదీ చదవండి: స్విస్ ఓపెన్.. ఫైనల్కు చేరిన సింధు, ప్రణయ్
