ఐపీఎల్-2021లో ఇంగ్లాండ్ క్రికెటర్లు ఆడనున్నారని ధ్రువీకరించింది భారత క్రికెట్ నియంత్రణ మండలి (బీసీసీఐ). సెప్టెంబరు-అక్టోబరులో జరగాల్సిన ఇంగ్లాండ్- బంగ్లాదేశ్ సిరీస్ వాయిదా పడిన నేపథ్యంలో వారు ఐపీఎల్లో పాల్గొనేందుకు వీలు కలిగింది. అయితే ఇంగ్లాండ్, వేల్స్ క్రికెట్ బోర్డుతో బీసీసీఐ కార్యదర్శి జై షాకు ఉన్న సత్సంబంధాల కారణంగా ఇది సాధ్యపడిందని క్రికెట్ వర్గాలు తెలిపాయి.
ఈ ఐపీఎల్ను.. ఆ వెంటనే జరిగే టీ20 ప్రపంచకప్ సన్నద్ధత కోసం ఇంగ్లాండ్ ఉపయోగించుకోనుంది. కాగా, యూఏఈ వేదికగా సెప్టెంబరు 19న ఐపీఎల్ తిరిగి ప్రారంభం కానుంది.
బయోబబుల్లో కరోనా కేసులు వెలుగుచూసిన నేపథ్యంలో.. ఐపీఎల్-14 అర్ధంతరంగా ఆగిపోయింది. ఆ తర్వాత.. మళ్లీ సెప్టెంబర్లో నిర్వహించాలని బోర్డు యోచిస్తున్నట్లు అప్పట్లోనే వార్తలొచ్చాయి. అయితే.. ఆ సమయంలో తమ క్రికెటర్లు ఆడటం కుదరదని ఇంగ్లాండ్, ఆస్ట్రేలియా సహా పలు దేశాలు స్పష్టం చేశాయి. ఇప్పుడు.. ఇంగ్లాండ్ క్రికెటర్లు ఆడుతుండటం మంచి పరిణామంగా చెప్పొచ్చు.
ఇదీ చూడండి: IPL 2021: సెప్టెంబర్ 19 నుంచి ఐపీఎల్.. పూర్తి షెడ్యూల్ ఇదే
