టీమ్ఇండియా యువ బ్యాట్స్మన్ శుభ్మన్ గిల్.. సచిన్ కుమార్తె సారా తెందూల్కర్ల మధ్య ప్రేమ వ్యవహారం నడుస్తోందని నెట్టింట విపరీతంగా ప్రచారం జరుగుతోంది. వీరిద్దరూ కొన్ని రోజులుగా డేటింగ్లో ఉన్నట్లు కొన్ని వార్తలొచ్చాయి. అయితే శుభ్మన్పై ఇటీవలే సారా చేసిన ఇన్స్టాగ్రామ్ పోస్ట్ దీనికి మరింత బలాన్నిచ్చింది. ప్రస్తుత ఐపీఎల్లో కోల్కతా నైట్రైడర్స్కు ప్రాతినిధ్యం వహిస్తున్న శుభ్మన్ గిల్.. సన్రైజర్స్ హైదరాబాద్, రాజస్థాన్ రాయల్స్పై జరిగిన మ్యాచ్ల్లో అద్భుత ప్రదర్శనతో ఆకట్టుకున్నాడు. దీంతో క్రికెట్ అభిమానుల నుంచే కాకుండా సారా తెందూల్కర్ నుంచి ప్రశంసలను అందుకున్నాడు.
అనేక సందర్భాల్లోనూ శుభ్మన్ గిల్, సారాలు సోషల్మీడియా కామెంట్ బాక్స్ల్లో సంభాషించుకోవడాన్ని నెటిజన్లు గుర్తించారు. దీంతో వీరిద్దరి మధ్య ప్రేమ నడుస్తోందన్న ప్రచారం మరింత పెరిగింది.
కాగా ప్రస్తుత ఐపీఎల్లో ముంబయి, కోల్కతా మధ్య జరిగిన మ్యాచ్ గురించి సోషల్మీడియాలో ఓ పోస్ట్ చేసింది సారా. అది కాస్త వైరల్గా మారింది. అయితే ఈ మ్యాచ్లో కేకేఆర్ ఓడిపోయినప్పటికీ.. ఫీల్డింగ్లో శుభ్మన్ గిల్ అద్భుతంగా రాణించాడు. ఆ మ్యాచ్కు సంబంధించిన శుభ్మన్ గిల్ ఫొటోను సారా తన ఇన్స్టాగ్రామ్ స్టోరీస్లో పోస్ట్ చేస్తూ.. దానికి హార్ట్ ఎమోజీలను జతచేసింది. దీనిపై సోషల్మీడియాలో రకరకాల ఊహాగానాలు పెరిగిపోయాయి. వీరిద్దరి మధ్య కచ్చితంగా ప్రేమ ఉందని నెటిజన్లు అభిప్రాయపడుతున్నారు.
