దిల్లీ Vs ముంబయి: పట్టికలో అగ్రస్థానం కోసం పోటీ

అబుదాబి వేదికగా ఆదివారం రాత్రి జరగనున్న మ్యాచ్​లో ముంబయి, దిల్లీ జట్లు తలపడనున్నాయి. పాయింట్ల పట్టికలో అగ్రస్థానం పోటీపడుతున్న ఈ రెండు జట్లలో ఎవరు పైచేయి సాధిస్తారో?

ఐపీఎల్​లో మరో సరవత్తర పోరుకు రంగం సిద్ధమైంది. ప్రస్తుత సీజన్​లో అత్యధిక విజయాలు సాధించిన రెండు జట్లు దిల్లీ క్యాపిటల్స్​, ముంబయి ఇండియన్స్​ మధ్య జరిగే మ్యాచ్ కోసం క్రికెట్​ అభిమానులు ఆసక్తిగా ఎదురుచూస్తున్నారు. రెండు టీమ్​లలో టాప్​ ఆర్డర్​, మిడిల్​ ఆర్డర్​, బౌలింగ్​ లైనప్​లు చాలా శక్తిమంతంగా ఉన్నాయి. దీంతో ఈ రెండు జట్ల మధ్య పోరు మరింత ఆసక్తికరంగా మారనుంది.

ముంబయి పేసర్లను తట్టుకోగలరా?

ముంబయి ఇండియన్స్​ బౌలింగ్​ లైనప్​లో అద్భుతమైన పేసర్లు బుమ్రా,​ బౌల్ట్​ ఉన్నారు. వీరిని అడ్డుకోవాలంటే దిల్లీ క్యాపిటల్స్​ ఓపెనర్ శిఖర్​ ధావన్​ మరింతగా కష్టపడాల్సి ఉంటుంది. ధావన్​ గతమ్యాచ్​ల్లో జట్టుకు సరైన ఆరంభాన్ని ఇచ్చాడు. అదే విధంగా ముంబయితో జరిగే మ్యాచ్​లోనూ అదే ఫామ్​ను కొనసాగిస్తాడని ఫ్రాంచైజీ ఆశిస్తోంది.

గత మ్యాచ్​ల్లో దిల్లీ బ్యాట్స్​మన్ హెట్​మెయిర్​ అంతగా రాణించలేదు. కానీ, శుక్రవారం రాజస్థాన్​తో జరిగిన మ్యాచ్​లో అద్భుతంగా ఆడటం వల్ల దిల్లీ బ్యాటింగ్​ లైనప్​లో బలంగా మారినట్లు కనిపిస్తోంది. దిల్లీ ఓపెనర్లతో పాటు కెప్టెన్​ శ్రేయస్​ అయ్యర్​ కూడా జట్టుకు సరైన సహకారాన్ని అందిస్తూ విజయాల్లో కీలకపాత్ర పోషిస్తున్నాడు.

ముంబయి ధనాధన్

ముంబయి ఇండియన్స్​ ఓపెనర్లు రోహిత్​ శర్మ, డికాక్​లతో పాటు మిడిల్​ ఆర్డర్​ బ్యాట్స్​మన్​ ఇషాన్​ కిషన్​, హార్దిక్​ పాండ్య, కృనాల్​ పాండ్య అద్భుతమైన ఫామ్​లో ఉన్నారు. వారి హిట్టింగ్​తో నిమిషాల వ్యవధిలోనే మ్యాచ్​ గమనాన్నే మార్చగల సత్తా ఉంది.

అబుదాబి వేదికగా దిల్లీ క్యాపిటల్స్​, ముంబయి ఇండియన్స్​ మ్యాచ్​ భారత కాలమానం ప్రకారం ఆదివారం రాత్రి 7:30 గంటలకు మ్యాచ్​ ప్రారంభం కానుంది.

జట్లు(అంచనా)​:

దిల్లీ క్యాపిటల్స్​: శ్రేయస్ అయ్యర్ (కెప్టెన్​), రవిచంద్రన్ అశ్విన్, శిఖర్ ధావన్, పృథ్వీ షా, హెట్​మెయిర్​, కగిసో రబాడా, రిషబ్ పంత్ (వికెట్​ కీపర్​), ఇషాంత్ శర్మ, అక్షర్​ పటేల్, సందీప్ లామిచనే , మోహిత్ శర్మ, అన్రిచ్ నార్ట్జే, అలెక్స్ కారీ, అవేష్ ఖాన్, తుషార్ దేశ్‌పాండే, హర్షల్ పటేల్, మార్కస్ స్టోయినిస్, లలిత్ యాదవ్

ముంబై ఇండియన్స్: రోహిత్ శర్మ (కెప్టెన్​), ఆదిత్య తారే, అన్మోల్‌ప్రీత్ సింగ్, అనుకుల్ రాయ్, క్రిస్ లిన్, ధావల్ కులకర్ణి, దిగ్విజయ్ దేశ్‌ముఖ్, హార్దిక్ పాండ్య, ఇషాన్ కిషన్, జేమ్స్ ప్యాటిన్సన్​, జస్‌ప్రీత్ బుమ్రా, జయంత్ యాదవ్, కీరోన్ పొలార్డ్, కృనాల్ పాండ్య, మొహ్సిన్ ఖాన్, నాథన్ కౌల్టర్-నైల్, ప్రిన్స్ బల్వంత్ రాయ్, క్వింటన్ డి కాక్, రాహుల్ చాహర్, సౌరభ్ తివారీ, షెర్ఫేన్ రూథర్‌ఫోర్డ్, సూర్యకుమార్ యాదవ్, ట్రెంట్ బౌల్ట్