ఐపీఎల్ ప్రారంభమ్యాచ్లో ముంబయిపై చెన్నై సాధించిన విజయం వెనక ధోనీ పక్కా ప్లానింగ్ ఉందనడంలో ఎలాంటి సందేహం లేదు. మ్యాచ్ పరిస్థితిని అంచనా వేసి బ్యాటింగ్ ఆర్డర్ను మార్చి, తన స్థానంలో సామ్ కరన్ను పంపించి అందరినీ ఆశ్చర్యపరిచాడు. ఇదే విషయమై ధోనీపై ప్రశంసలు కురిపించాడు సామ్. అతడు ఓ మేధావి అని పేర్కొన్నాడు.
"ధోనీ కంటే ముందు బ్యాటింగ్కు వెళ్లమని చెప్పినప్పుడు నేను ఆశ్చర్యపోయా. కానీ అతడో మేధావి. ఆలోచనలు చాలా స్పష్టంగా ఉంటాయి. నేను మైదానంలో వెళ్లే సమయానికి కృనాల్ పాండ్య బౌలింగ్. మ్యాచ్ గెలవాలంటే లెఫ్ట్- రైట్ హ్యాండ్ బ్యాట్స్మెన్ కాంబో అవసరమని ముందుగానే గుర్తించిన మహీ అలా ప్రణాళిక వేశాడు."
సామ్ కరన్, సీఎస్కే క్రికెటర్
18వ ఓవర్లో జడేజా ఔటయ్యే సమయానికి చెన్నై, 17 బంతుల్లో 29 పరుగులు చేయాలి. ఆ తర్వాత ధోనీనే బరిలోకి దిగుతాడని అందరూ అనుకున్నారు. కానీ సామ్ కరన్ క్రీజులోకి వచ్చాడు. ఆరు బంతులు ఆడి.. రెండు సిక్సులు, ఒక ఫోరు కొట్టి మ్యాచ్ విజయానికి దగ్గర చేశాడు.
మ్యాచ్లను మలుపు తిప్పడంలో గతంలోనూ ఇటువంటి వ్యూహాలు ఎన్నో రచించాడు ధోనీ. 2007 టీ20 ప్రపంచకప్ ఫైనల్లో ఆల్రౌండర్ జోగిందర్ శర్మతో చివరి ఓవర్ వేయించి అందర్నీ ఆశ్చర్యపరిచాడు.
సీఎస్కే తర్వాత మ్యాచ్ రాజస్థాన్ రాయల్స్తో సెప్టెంబరు 22న జరగనుంది. భారత కాలమానం ప్రకారం రాత్రి 7.30 గంటలకు మొదలు కానుంది.
