ఈ ఐపీఎల్ సీజన్లో వరుస విజయాలతో అభిమానుల్ని ఆనందంలో ముంచెత్తుతోంది దిల్లీ క్యాపిటల్స్. కానీ గత మ్యాచ్లో పంజాబ్ చేతిలో ఓడిపోయింది. అలానే ఈ సీజన్లో అస్థిర ప్రదర్శనతో అంచనాల్ని అందుకోవడంలో విఫలమవుతోంది కోల్కతా నైట్రైడర్స్. ప్లే ఆఫ్స్కు వెళ్లాలంటే ఇకపై ఆడే ప్రతి మ్యాచ్ తప్పక గెలవాల్సిందే. ఇప్పటికే పాయింట్ల పట్టికలో టాప్లో ఉన్న పైనున్న దిల్లీ.. ఎలాగైనా తొలి నాలుగు స్థానాల్లో నిలవాలని కోల్కతా పట్టుదలతో ఉన్నాయి. అలాంటి ఈ రెండు జట్ల మధ్య అబుదాబి వేదికగా శనివారం మ్యాచ్ జరగనుంది. ఈ నేపథ్యంలో బలాలు, బలహీనతలపై ఓ లుక్కేద్దాం.
మళ్లీ గాడిలోకి దిల్లీ
దిల్లీ బ్యాటింగ్లోనే కాక బౌలింగ్లోనూ బలంగానే కనిపిస్తోంది. ఓపెనర్ శిఖర్ ధావన్ జోరుమీదున్నాడు. వరుసగా రెండు మ్యాచ్లో రెండు సెంచరీలు చేసి ఐపీఎల్లో రికార్డు సృష్టించాడు. యువ ఆటగాడు పృథ్వీ షా ఇంకాస్త బాధ్యతాయుతంగా ఆడాల్సి ఉంది. గత నాలుగు ఇన్నింగ్స్ల్లో రెండుసార్లు డకౌట్ కావడం జట్టును ఆందోళన కలిగిస్తోంది. సారథి శ్రేయస్ అయ్యర్, బ్యాట్తో అంచనాల్ని అందుకోలేకపోతున్నాడు. గాయం కారణంగా కొన్ని మ్యాచ్లకు దూరమై, పంజాబ్ మ్యాచ్తో తిరిగి జట్టులోకి వచ్చిన వికెట్ కీపర్ పంత్.. తనపై ఫ్రాంచైజీ పెట్టుకున్న నమ్మకాన్ని నిలబెట్టుకోవాల్సి ఉంది. మిడిలార్డర్లో శ్రేయస్, పంత్తో పాటు స్టోయినిస్ దిల్లీకి ప్రధాన బలం. బౌలింగ్లో అన్రిచ్, కగిసో రబాడ నిలకడైన ప్రదర్శన చేస్తున్నారు.
![Delhi Capitals eye collective batting effort to keep place at top, KKR aim to stay in hunt](https://etvbharatimages.akamaized.net/etvbharat/prod-images/ekjdxsiu0aackv9_1810newsroom_1602959448_102.png)
కోల్కతా ఇకనైనా!
బెంగళూరుతో మ్యాచ్లో నిర్ణీత ఓవర్లలో కేవలం 84 పరుగులే చేసి, దారుణంగా విఫలమైన కోల్కతా నైట్రైడర్స్ తిరిగి గాడిన పడాల్సిన అవసరముంది. ఈ మ్యాచ్తో కోల్పోయిన ఆత్మస్థైర్యాన్ని తిరిగి పొందాలనుకుంటోంది. ఇప్పటికే కెప్టెన్సీలో మార్పు జరిగినా ఆటతీరు మారట్లేదు. ఇటీవలే జట్టులోకి వచ్చిన ఫెర్గూసన్ ప్రదర్శన మాత్రం జట్టుకు కొంత ఊరట. గాయం కారణంగా గత మ్యాచ్కు దూరమైన ఆల్రౌండర్ రసెల్.. ఈరోజు ఆడాలని యాజమాన్యం భావిస్తోంది. కెప్టెన్ మోర్గాన్, దినేశ్ కార్తీక్, శుభ్మన్ గిల్, నితీశ్ రానా రాణిస్తే కోల్కతాకు విజయావకాశాలు మెరుగుపడతాయి.
![Delhi Capitals eye collective batting effort to keep place at top, KKR aim to stay in hunt](https://etvbharatimages.akamaized.net/etvbharat/prod-images/pn_8837_2210newsroom_1603351123_719.jpg)
జట్ల (అంచనా)
దిల్లీ క్యాపిటల్స్
పృథ్వీ షా, శిఖర్ ధావన్, శ్రేయస్ అయ్యర్ (కెప్టెన్), రిషబ్ పంత్, స్టోయినిస్, హెట్మెయర్, రవిచంద్రన్ అశ్విన్, తుషార్ దేశ్పాండే, కగిసో రబాడ, అన్రిచ్, అక్షర్ పటేల్
కోల్కతా నైట్రైడర్స్
శుభ్మన్ గిల్, రాహుల్ త్రిపాఠి, నితీశ్ రానా, టామ్ బాంటన్, దినేశ్ కార్తీక్, మోర్గాన్ (కెప్టెన్), కమిన్స్, ఫెర్గూసన్, వరుణ్ చక్రవర్తి, ప్రసిద్ధ్ కృష్ణ