India vs Sri Lanka: లెజెండరీ క్రికెటర్ కపిల్దేవ్ రికార్డును బ్రేక్ చేశాడు స్టార్ స్పిన్నర్ రవిచంద్రన్ అశ్విన్. ఆదివారం శ్రీలంకతో తొలి టెస్టు సందర్భంగా 435 వికెట్లతో సుదీర్ఘ ఫార్మాట్లో భారత తరపున రెండో అత్యధిక వికెట్ల వీరుడిగా నిలిచాడు. ఈ క్రమంలోనే కపిల్ను (131 మ్యాచ్ల్లో 434 వికెట్లు) అధిగమించాడు. తన 85వ మ్యాచ్లోనే అశ్విన్ ఈ ఘనత దక్కించుకున్నాడు. ఈ జాబితాలో 132 మ్యాచ్ల్లో 619 వికెట్లతో స్పిన్ దిగ్గజం అనిల్ కుంబ్లే అగ్రస్థానంలో ఉన్నాడు.
శ్రీలంకతో మ్యాచ్కు ముందు 430 వికెట్లతో ఉన్న అశ్విన్.. తొలి ఇన్నింగ్స్లో 2, రెండో ఇన్నింగ్స్లో ఇప్పటికే 3 వికెట్లు తీశాడు. ఇక టెస్టుల్లో 400లకు పైగా వికెట్లు సాధించిన నాలుగో భారత బౌలర్ అశ్విన్. అతడి కన్నా ముందు కపిల్, కుంబ్లే, హర్భజన్ సింగ్ (417) ఈ మైలురాయిని చేరుకున్నారు. ఓవరాల్గా అత్యధిక వికెట్లు సాధించిన జాబితాలో తొమ్మిదో స్థానంలో ఉన్నాడు అశ్విన్.
ఇదీ చూడండి: IND VS SL: జడేజా మాయాజాలం.. 174కే లంక ఆలౌట్
