IND Vs SL Asia Cup Finals : 2023 ఆసియా కప్ ఫైనల్ మ్యాచ్లో టీమ్ఇండియా స్టార్ పేసర్ మహమ్మద్ సిరాజ్ నిప్పులు చెరుగుతున్నాడు. పొడిగా ఉన్న పిచ్పై పదునైన బంతులతో లంకను ఓ ఆటాడేసుకుంటున్నాడు. సిరాజ్, బుమ్రా ధాటికి లంక 12 పరుగులకే 6 వికెట్లు కోల్పోయి పీకల్లోతూ కష్టాల్లో పడింది.
ఏకంగా నలుగురు డకౌట్.. సిరాజ్, బుమ్రా పేస్ను ఎదుర్కొలేక లంక బ్యాటర్లు చేతులెత్తేస్తున్నారు. ఇలా క్రీజులోకి వచ్చి అలా పెవిలియన్కు క్యూ కడుతున్నారు. భారత పేస్ దళం దెబ్బకు ప్రత్యర్థి జట్టులో నలుగురు బ్యాటర్లు పరుగుల ఖాతా కూడా తెరవలేదు. ఓపెనర్ కూశాల్ పెరీరా (0) ను బుమ్రా ఔట్ చేయగా.. సిరాజ్.. సమరవిక్రమ (0), చరిత్ అసలంక (0), దసున్ శనక (0)ను వెనక్కి పంపాడు.
అంతకుముందు టాస్ గెలిచిన శ్రీలంక.. బ్యాటింగ్ ఎంచుకుంది. కానీ వర్షం కారణంగా మ్యాచ్.. సమయానికి ప్రారంభం కాలేదు. 30 నిమిషాల తర్వాత ఆట ప్రారంభమైంది. ఇక మ్యాచ్ ఆరంభం నుంచే భారత బౌలర్లు చెలరేగుతున్నారు.
Asia Cup 2023 Trophy Tour : ఆసియా క్రికెట్ కౌన్సిల్.. 'ట్రోఫీ టూర్' పేరుతో ప్రతిష్ఠాత్మకమైన ఆసియా కప్ ట్రోఫీ శనివారం కొలంబో నగర వీధుల్లో తిప్పారు. ఈ ర్యాలీలో క్రికెట్ ఫ్యాన్స్ పాల్గొని ట్రోఫీతో సెల్ఫీ తీసుకున్నారు. ఇక ఆదివారం జరిగే ఫైనల్స్లో విజేతగా నిలిచిన జట్టు ఈ ట్రోఫీని ముద్దాడనుంది. అయితే ఇప్పటికే 7 సార్లు (6 వన్డే, 1 టీ20 ఫార్మాట్) ట్రోఫీని గెలుచుకున్న భారత్.. ఎనిమిదో టైటిల్ను గెలుచుకోవాలని తహతహలాడుతోంది. మరోవైపు ఆరు టైటిళ్లతో ఉన్న శ్రీలంక మరో టైటిల్ గెలిచి భారత్ రికార్డును సమం చేయాలని భావిస్తోంది.
భారత్ తుది జట్టు: రోహిత్‌ (కెప్టెన్), శుభ్‌మన్‌ గిల్, విరాట్ కోహ్లి, రాహుల్‌, ఇషాన్‌ కిషన్, హార్దిక్‌ పాండ్య, రవీంద్ర జడేజా,వాషింగ్టన్ సుందర్‌, కుల్‌దీప్‌ యాదవ్, జస్ప్రీత్ బుమ్రా, మహమ్మద్ సిరాజ్.
శ్రీలంక తుది జట్టు: నిశాంక, కుశాల్‌ పెరీరా, కుశాల్‌ మెండిస్‌, సమరవిక్రమ, అసలంక, శానక (కెప్టెన్), ధనంజయ డిసిల్వా, వెల్లలాగె, హేమంత, మధుషన్, పతిరన.
Ind Vs SL Asia Cup Finals : టాస్ గెలిచిన లంక.. బౌలింగ్కి దిగిన టీమ్ఇండియా
IND vs SL Asia Cup 2023 Final : ఆసియాకప్ ఫైనల్ నేడే.. రికార్డులు ఎలా ఉన్నాయంటే?
