World Cup 2023 Semi Final Teams : 2023 వరల్డ్కప్లో టీమ్ఇండియా, దక్షిణాఫ్రికా ఇప్పటికే సెమీస్ చేరుకున్నాయి. లీగ్ స్టేజ్లో ఆడిన 8 మ్యాచ్ల్లో విజయం సాధించింది టేబుల్ టాపర్గా నిలిచింది భారత్. ఇక సెమీస్లో మరో రెండు బెర్త్ల కోసం నాలుగు జట్లు పోటీలో ఉన్నాయి. ఈ క్రమంలో ఈ నెల 15న జరిగే తొలి సెమీ ఫైనల్ సమరంలో భారత్తో ఎవరు తలపడతారన్నది ఆసక్తికరంగా మారింది.
ఈ మెగా టోర్నీలో ఇప్పటికే ఇంగ్లాండ్‌, బంగ్లాదేశ్‌, నెదర్లాండ్స్‌, శ్రీలంక సెమీస్ రేసు నుంచి నిష్క్రమించాయి. మరోవైపు భారత్తో పాటు దక్షిణాఫ్రికా కూడా నాకౌట్‌ దశకు చేరుకుంది. ఇక మిగిలిన రెండు స్థానాల కోసం ఆస్ట్రేలియా, న్యూజిలాండ్, పాకిస్థాన్, అఫ్గానిస్థాన్‌ల మధ్య పోటీ పడుతున్నాయి. అయితే ఇందులో ఆస్ట్రేలియా జట్టు 7 మ్యాచ్ల్లో 5 విజయాల (10 పాయింట్లు)తో సెమీస్కు చేరేందుకు దగ్గర్లో ఉంది. దీనికి తోడు తన చివరి రెండు మ్యాచ్‌లను వరుసగా అఫ్గానిస్థాన్, బంగ్లాదేశ్‌తో ఆడుతుంది. ఈ రెండు మ్యాచ్ల్లో గెలిస్తే అప్పుడు 14 పాయింట్లవుతాయి.
అయితే ఆస్ట్రేలియాతో పాటు దక్షిణాఫ్రికాకు కూడా 14 పాయింట్లు సాధించే అవకాశముంది. ఒకవేళ ఆస్ట్రేలియా, దక్షిణాఫ్రికా సమానంగా పాయింట్లు సాధిస్తే.. నెట్‌ రన్‌రేట్‌ను బట్టి ఏ టీమ్ 2, 3 స్థానాల్లో నిలుస్తాయో తెలుస్తుంది. ఆస్ట్రేలియా ఒక్క మ్యాచ్ గెలిచినా సెమీస్ చేరుతుంది. చివరి రెండు మ్యాచ్ల్లో ఓడిపోతే.. మిగతా జట్ల ఫలితాలపై ఆధారపడాల్సి ఉంటుంది.
ఇక 8 మ్యాచ్ల్లో చెరో నాలుగు విజయాలతో ఉన్న న్యూజిలాండ్, పాకిస్థాన్ జట్లు.. తమ చివరి మ్యాచ్‌లను వరుసగా శ్రీలంక, ఇంగ్లాండ్‌లతో ఆడనున్నాయి. ఈ మ్యాచ్ల్లో కివీస్‌, పాకిస్థాన్ విజయం సాధిస్తే.. చెరో 10 పాయింట్లతో సమానంగా ఉంటాయి. అప్పుడు మెరుగైన నెట్‌ రన్‌రేట్‌ ఉన్న జట్టు (అఫ్గానిస్థాన్ ఓడితే) ముందంజ వేస్తుంది. ఒకవేళ ఈ రెండు జట్లు ఓడిపోయి, అఫ్గానిస్థాన్ కూడా మిగతా మ్యాచ్ల్లో ఓటమి పాలైతే.. అప్పుడు ఈ మూడు జట్లలో మెరుగైన నెట్‌రన్‌రేట్‌ ఉన్న టీమ్ నాకౌట్‌ దశకు చేరుతుంది. అఫ్గానిస్థాన్.. కంగారూ జట్టు, దక్షిణాఫ్రికాలపై గెలిస్తే.. 12 పాయింట్లతో నేరుగా సెమీ ఫైనల్కు చేరుతుంది. ఇక ఒక్క మ్యాచ్ గెలిచినా మెరుగైన రన్‌రేట్‌ ఉంటే న్యూజిలాండ్, పాకిస్థాన్లను దాటేసి ముందంజ వేయొచ్చు. మరి నాలుగో స్థానంలో నిలిచి భారత్‌ను సెమీస్లో ఎదుర్కొనే జట్టేదో తెలుసుకోవాలంటే వేచి చూడాల్సిందే.
బంగ్లా చేతితో శ్రీలంక చిత్తు - ఎట్టకేలకు టోర్నీలో రెండో విజయం
'పంజాబ్'దే సయ్యద్ ముస్తాక్ అలీ ట్రోఫీ - తొలిసారి టైటిల్ కైవసం, ఫైనల్లో బరోడా డీలా!
