ICC Latest ODI Rankings : వన్డేల్లో నెం.1గా పాకిస్థాన్​.. మరి టీమ్​ఇండియా స్థానం ఎంతో తెలుసా?

ICC Latest ODI Ranking : అంతర్జాతీయ వన్డే ర్యాంకింగ్స్‌లో పాకిస్థాన్​ జట్టు.. అగ్రస్ధానానికి చేరుకుంది. శ్రీలంక వేదికగా అప్ఘానిస్థాన్​తో​ జరిగిన వన్డే సిరీస్‌ను వైట్​వాష్​ చేసిన పాక్​(Pakistan ODI Ranking).. మరోసారి నెం.1 వన్డే జట్టుగా ఘనతను అందుకుంది. ఈ క్రమంలోనే ఆస్ట్రేలియాను వెనక్కి నెట్టింది. ఇప్పుడు పాక్​ 118.48 రేటింగ్‌తో నిలవగా.. ఆస్ట్రేలియా 118 రేటింగ్​తో ఉంది. పాయిట్లు పరంగానూ ఆస్ట్రేలియా(2714) కన్నా పాకిస్థాన్​ (2725) ముందంజలో ఉంది.

ఇక టీమ్​ఇండియా(Team India ODI Ranking) విషయానికి వస్తే.. ఈ వన్డే ర్యాంకింగ్స్‌లో మూడో స్ధానంలో కొనసాగుతోంది. రేటింగ్స్ పరంగా పాకిస్థాన్​, ఆస్ట్రేలియా కంటే ఐదు పాయింట్లు వెనుకపడింది. 4,081 పాయింట్లతో 118 రేటింగ్​తో కొనసాగుతోంది. న్యూజిలాండ్ 104 రేటింగ్స్‌తో నాలుగో స్థానంలో ఉండగా.. ప్రస్తుత ప్రపంచ ఛాంపియన్‌ ఇంగ్లాండ్​ ఐదో స్థానంలో ఉంది. ఆ తర్వాతి స్థానాల్లో వరుసగా దక్షిణాఫ్రికా, బంగ్లాదేశ్‌, శ్రీలంక, అప్ఘానిస్తాన్​, వెస్టిండీస్‌ ఉన్నాయి.

Pakistan VS Afghanistan 3rd ODI : కాగా, కొలాంబో వేదికగా జరిగిన మూడో వన్డేలో.. 59 పరుగుల తేడాతో అప్ఘానిస్థాన్​ను ఓడించింది పాకిస్థాన్​. దీంతో మూడు వన్డేల సిరీస్‌ను 3-0తో పాక్​ క్లీన్‌స్వీప్‌ చేసింది. ఫలితంగా ర్యాంకింగ్స్​లో దూసుకెళ్లింది. ఈ మ్యాచ్​లో మొదట బ్యాటింగ్‌ చేసిన పాక్​ నిర్ణీత 50 ఓవర్లలో 8 వికెట్లు కోల్పోయి 268 స్కోర్ చేసింది. మొహ్మద్​ రిజ్వాన్‌ (67), కెప్టెన్‌ బాబర్‌ ఆజమ్‌ (60) హాఫ్​ సెంచరీలతో ఆకట్టుకోగా, ఆగా సల్మాన్‌ (38*), నవాజ్‌ (30) పర్వాలేదనిపించారు. నైబ్, ఫరీద్‌ చెరో 2 వికెట్లు తీశారు.

ఆ తర్వాత లక్ష్య ఛేదనలో అప్ఘానిస్థాన్​ టీమ్​... 48.4 ఓవర్లలో 209 పరుగులకు ఆలౌట్ అయింది. అప్ఘాన్ స్పిన్నర్‌ ముజీబ్‌ ఉర్‌ రహ్మాన్​ (37 బంతుల్లో 64) సూపర్ ఫాస్ట్​ ఇన్నింగ్స్‌ ఆడినప్పటికీ.. తన టీమ్​ను గెలిపించుకోలేకపోయాడు. పాక్‌ బౌలర్లలో షాదాబ్‌ ఖాన్‌ 3 వికెట్లు తీయగా.. నవాజ్‌, అఫ్రిది,అష్రాప్‌ తలో రెండు వికెట్లను దక్కించుకున్నారు.

• ✅ Series whitewash
  ✅ No.1 Ranking
  
  Pakistan get a huge boost ahead of #CWC23 💪https://t.co/ZTPebG5f2I

  — ICC (@ICC) August 26, 2023 " class="align-text-top noRightClick twitterSection" data="

  ✅ Series whitewash
  ✅ No.1 Ranking
  
  Pakistan get a huge boost ahead of #CWC23 💪https://t.co/ZTPebG5f2I

  — ICC (@ICC) August 26, 2023

  ">

  ✅ Series whitewash
  ✅ No.1 Ranking
  
  Pakistan get a huge boost ahead of #CWC23 💪https://t.co/ZTPebG5f2I

  — ICC (@ICC) August 26, 2023

IBSA World Games 2023 Cricket : చరిత్ర సృష్టించిన భారత క్రికెట్‌ జట్టు.. తొలి ఛాంపియన్స్​గా రికార్డు..