టీ20 ప్రపంచకప్లో(T20 World Cup 2021) భాగంగా టీమ్ఇండియాకు మెంటార్గా ధోనీ(Dhoni Mentor) ఉండటంపై హర్షం వ్యక్తం చేశాడు సారథి కోహ్లీ(Virat Kohli on MS Dhoni). మహీ అనుభవం, అతడు ఇచ్చే సలహాలు ఆటగాళ్లలో స్ఫూర్తిని నింపుతాయని అన్నాడు.
"ధోనీకి మంచి అనుభవం ఉంది. జట్టు ఆటగాళ్లందరికీ అతడే మెంటార్. మహీ వల్ల యువ ఆటగాళ్లందరికీ ఎంతో లాభం కలుగుతుంది. అతనికి ఉన్న అనుభవం, తాను ఇచ్చే సలహాలతో టీమ్ఇండియా ఆటతీరు రెట్టింపు అవుతుంది. ప్లేయర్స్లో ఆత్మస్థైర్యం పెరుగుతుంది."
--విరాట్ కోహ్లీ, టీమ్ఇండియా సారథి.
అవగాహన లేదు..
టీ20 ప్రపంచకప్(T20 World Cup) అనంతరం టీమ్ఇండియాకు రాహుల్ ద్రవిడ్ కోచ్గా(Dravid New Coach) ఉంటాడన్న విషయంపై తనకు అవగాహన లేదని అన్నాడు కోహ్లీ. ఇప్పటివరకు అధికారికంగా ఎలాంటి చర్చలు జరగలేదని పేర్కొన్నాడు.
అక్టోబర్ 17నుంచి ఈ మెగా టోర్నీ ప్రారంభంకానుంది. టీమ్ఇండియా తమ తొలి మ్యాచ్ను అక్టోబర్ 24న పాకిస్థాన్తో(Ind vs Pak 2021) ఆడనుంది. ఇక ఈ టోర్నీ అనంతరం కెప్టెన్సీ బాధ్యతల నుంచి తప్పుకోనున్నట్లు కోహ్లీ ఇటీవలే ప్రకటించాడు.
అశ్విన్ను అందుకే జట్టులోకి..
టీమ్ఇండియా స్క్వాడ్లో రవిచంద్రన్ అశ్విన్కు చోటు లభించడంపై స్పందించాడు విరాట్ కోహ్లీ. "గత రెండేళ్లుగా ఐపీఎల్లో అశ్విన్ మెరుగైన ప్రదర్శన చేశాడు. క్రీజులో హిట్టర్లు ఉన్నా.. డెత్ ఓవర్లలో అశ్విన్ బౌలింగ్తో రాణించాడు. అందుకే టీ20 ప్రపంచకప్లో అతడిని ఎంపిక చేశాం. అంతర్జాతీయ మ్యాచ్ల్లో ఆడిన అనుభవం అతడిగి బాగా ఉంది. బౌలింగ్లో వేరియషన్లు చూపించగల సామర్థ్యం ఉంది" అని అన్నాడు.
అన్ని మ్యాచ్ల్లానే ఇదీ..
తొలి మ్యాచ్ పాకిస్థాన్తో జరగనున్న నేపథ్యంలో "దీని గురించి చాలా ఎక్కువగా మాట్లాడుతుంటారు. ఇది కేవలం గేమ్ మాత్రమే. ఫ్యాన్ దృష్టిలోనే ఇది పెద్ద మ్యాచ్. కానీ, ఆటగాళ్లు.. ఇతర జట్లతో ఆడినట్లే ఈ మ్యాచ్ కూడా ఆడతారు" అని విరాట్ చెప్పాడు.
ఇదీ చదవండి:
Dravid coach: టీమ్ఇండియా కోచ్గా ద్రవిడ్.. 2023 ప్రపంచకప్ వరకు
