'రాత్రివేళల్లో గులాబి బంతితో కొంచెం కష్టమే'

గులాబి బంతితో రాత్రివేళల్లో అడేటపుడు కొంచెం ఇబ్బంది తలెత్తే అవకాశముందని టీమిండియా క్రికెటర్ చతేశ్వర్ పుజారా అభిప్రాయపడ్డాడు. దులీప్​ ట్రోఫీలో పింక్ బంతితో ఆడిన అనుభవం తనకుందని అన్నాడు.

ఈడెన్ గార్డెన్స్ వేదికగా భారత ఆడే తొలి డై అండ్ నైట్.. ఈ నెల 22న ఆరంభం కానుంది. దీని గురించి టీమిండియా క్రికెటర్ చతేశ్వర్ పుజారా మాట్లాడాడు. రాత్రిపూట గులాబి బంతితో ఆడేటపుడు క్రికెటర్లకు కాస్త ఇబ్బంది తలెత్తుతుందని అన్నాడు.

"నేను గతంలో దులీప్​ ట్రోఫీలో గులాబి బంతితో ఆడా. ఆ అనుభవమే సహకరిస్తుందని అనుకుంటున్నా. పగటిపూట ఆడేటపుడు బంతి కనపడకపోవడం జరగదు. ఫ్లడ్​లైట్ల వెలుగులో కొంచెం ఇబ్బంది తలెత్తొచ్చు" -చతేశ్వర్ పుజారా, టీమిండియా క్రికెటర్.

జట్టులో చాలా మంది క్రికెటర్లకు గులాబీ బంతితో ఆడటం ఇదే తొలిసారి కానుందని చెప్పాడు పుజారా.

"గులాబి బంతితో ఆడడం కొత్త ఛాలెంజ్. ఆటలో ఏం జరుగుతుందో మాకు తెలియదు. మ్యాచ్​కు ముందు ప్రాక్టీస్ సెషన్లు ఉన్నాయి. కాబట్టి ఈ బంతిపై ఓ అంచనాకు రావొచ్చు. చాలా మంది క్రికెటర్లు ఈ బంతితో తొలిసారి ఆడనున్నారు" -చతేశ్వర్ పుజారా, టీమిండియా క్రికెటర్.

ఓపెనర్లు శుభారంభం అందిస్తే జట్టు భారీ స్కోరు సాధిస్తుందని అన్నాడు పుజారా.

"ఓపెనర్లు శుభారంభాన్ని అందిస్తే జట్టు భారీ స్కోరు సాధిస్తుంది. సఫారీలపై రోహిత్-మయాంక్ అద్భుతంగా రాణించారు" -చతేశ్వర్ పుజారా, టీమిండియా క్రికెటర్.

బంగ్లాదేశ్.. ఒకే ఒకసారి గులాబి బంతితో ఫస్ట్​క్లాస్ మ్యాచ్ ఆడింది. ఆదివారం బెంగళూరు చిన్నస్వామి స్టేడియంలో టీమిండియా క్రికెటర్లు.. ఎస్​జీ పింక్ బంతితో సాధన చేశారు.

ఇదీ చదవండి: ఆసీస్ క్రికెటర్స్ అసోసియేషన్ అధ్యక్షుడిగా వాట్సన్