వెల్లింగ్టన్ వేదికగా జరుగుతోన్న తొలి టెస్టు మొదటి ఇన్నింగ్స్లో ఆతిథ్య న్యూజిలాండ్ 348 పరుగులకు ఆలౌటైంది. భారత్పై 183 పరుగుల అధిక్యంలో ఉంది. టీమిండియా బౌలర్లలో ఇషాంత్ శర్మ ఐదు, అశ్విన్ మూడు వికెట్లు తీశారు. బుమ్రా, షమీ చెరో వికెట్ పడగొట్టారు.
ఓవర్నైట్ స్కోరు 216/5తో మూడో రోజు ఆట ప్రారంభించిన కివీస్.. ఆరు, ఏడో వికెట్లను త్వరగానే కోల్పోయింది. ఎనిమిదో వికెట్కు గ్రాండ్హోమ్తో కలిసి జేమిసన్ 71 పరుగుల భాగస్వామ్యం నెలకొల్పాడు. అనంతరం 44 పరుగులు చేసి ఔటయ్యాడు. కాసేపటికే గ్రాండ్హోమ్(43) కూడా వెనుదిరిగాడు. చివర్లో బౌల్ట్ వేగంగా ఆడి 24 బంతుల్లోనే 38 పరుగులు చేశాడు.
