బ్రిస్బేన్‌ వేదికగా భారత్‌తో జరుగుతున్న ఆఖరి టెస్టు రెండో ఇన్నింగ్స్‌లో ఆస్ట్రేలియా దూకుడుగా ఆడుతోంది. ఏడు వికెట్లు కోల్పోయి 243 పరుగులు చేసింది. ఫలితంగా 276 పరుగుల ఆధిక్యంలో ఉంది. వర్షం కారణంగా.. నిర్ణీత సమయం కంటే ముందే అంపైర్లు టీ విరామం ఇచ్చారు. మబ్బుల వల్ల మైదానంలో ఓ వైపు వెలుతురు తక్కువగా ఉంది. దీంతో ఆటను నిలిపివేసి, పిచ్‌ను కవర్లతో కప్పారు.
రాణించిన బౌలర్లు..
భోజన విరామం తర్వాత ఆసీస్ అయిదో వికెట్ కోల్పోయింది. అర్ధశతకం సాధించిన స్టార్ బ్యాట్స్‌‌మన్‌ స్టీవ్‌ స్మిత్ (55)ను సిరాజ్ బోల్తా కొట్టించాడు. బౌన్సర్‌ అంచనా వేయడంలో విఫలమైన స్మిత్ రహానె చేతికి చిక్కాడు. ఆ తర్వాత గ్రీన్‌ (37) ఆరో వికెట్గా శార్దుల్ ఠాకూర్‌ బౌలింగ్లో రోహిత్ చేతికి చిక్కాడు. అనంతరం టిమ్ పైన్(27) ఏడో వికెట్గా వెనుదిరిగాడు. ప్రస్తుతం క్రీజులో కమిన్స్(2), స్టార్క్(1) ఉన్నారు.
