క్వారంటైన్ నిబంధనలు పాటించాల్సిన క్రమంలో ఆఖరి టెస్టును బ్రిస్బేన్లో ఆడమని ఇటీవలే టీమ్ఇండియా.. క్రికెట్ ఆస్ట్రేలియాకు లేఖ రాసింది. ఈ నేపథ్యంలో నాలుగో టెస్టును అక్కడ నిర్వహించడంపై నీలినీడలు కమ్ముకున్నాయి. దీనిపై సోమవారం స్పందించిన క్రికెట్ ఆస్ట్రేలియా తాత్కాలిక సీఈఓ.. చివరి టెస్టును ప్రణాళిక ప్రకారం నిర్వహిస్తామని స్పష్టం చేశాడు. బ్రిస్బేన్ ప్రయాణించడానికి టీమ్ఇండియా అంగీకరించిందని తెలిపాడు.
"నాలుగో టెస్టును సురక్షిత వాతావరణంలో నిర్వహించేందుకు క్వీన్స్ల్యాండ్ ఆరోగ్య అధికారులతో కలిసి పనిచేస్తున్నాం. ఈ సిరీస్లో ఇప్పటి వరకు అన్ని రకాల జాగ్రత్తలతో పాటు బయోబబుల్ నియమాలను పాటిస్తూ.. ప్రభుత్వానికి, ఆరోగ్య అధికారులకు సహకరిస్తున్నాం. నాలుగో టెస్టును బ్రిస్బేన్లో నిర్వహించేందుకు సహకరిస్తున్న క్వీన్స్ల్యాండ్ ప్రభుత్వానికి ధన్యవాదాలు తెలియజేస్తున్నాం".
- నిక్ హాక్లే, క్రికెట్ ఆస్ట్రేలియా తాత్కాలిక సీఈఓ
బ్రిస్బేన్ వేదికగా జనవరి 15 నుంచి ఆస్ట్రేలియా, టీమ్ఇండియా మధ్య నాలుగో టెస్టు జరగనుంది. ఈ మ్యాచ్కు 50 శాతం మంది వీక్షకులను అనుమతించాలని క్రికెట్ ఆస్ట్రేలియా నిర్ణయించింది.
ఇదీ చూడండి: అందుకే ద్రవిడ్ టీమ్ఇండియా కోచ్ కాలేదు!
