భారత్తో జరగనున్న మూడో టెస్ట్లో ఆస్ట్రేలియా బ్యాట్స్మన్ స్టీవ్ స్మిత్ తిరిగి ఫామ్లోకి వస్తాడని ఆశాభావం వ్యక్తం చేశాడు ఆ జట్టు కోచ్ జస్టిన్ లాంగర్. భారత్తో పరిమిత ఓవర్ల టోర్నీల్లో ఉత్తమ ప్రదర్శన కనబరిచినా.. సుదీర్ఘ ఫార్మాట్లో స్మిత్ రాణించలేకపోతున్నాడు. ఈ నేపథ్యంలో ఆసీస్ బ్యాట్స్మన్ను వెనకేసుకొచ్చాడు లాంగర్.
"ఈ సిరీస్లో స్మిత్ ఇప్పటివరకు ఉత్తమ బ్యాటింగ్ ప్రదర్శన చేయలేదు. ఒకవేళ స్మిత్ ఆడితే ఆసీస్ టీమ్ ఎంత దృఢంగా ఉంటుందో ఊహించండి. గొప్ప ఆటగాళ్లు ఫామ్ తప్పడం సహజమే.. కానీ, వాళ్లు మళ్లీ ఫామ్లోకి రావడానికీ ఎక్కువ సమయం పట్టదు. నేను స్మిత్కు ప్రత్యేకంగా కోచింగ్ ఇవ్వాల్సిన పనిలేదు. తనకు తానే కోచింగ్ చేసుకుంటాడు. తను తప్పకుండా ఫామ్లోకి వస్తాడు"
-జస్టిన్ లాంగర్, ఆసీస్ కోచ్.
తాను జట్టు కోచ్గా వ్యవహరించే పరిమిత సమయంలోనే స్మిత్ మెరుపు ఇన్నింగ్స్ చూడాలని ఆశాభావం వ్యక్తం చేశాడు జస్టిన్ లాంగర్. భారత్, ఆస్ట్రేలియా మధ్య మూడో టెస్టు జనవరి 7న సిడ్నీ వేదికగా జరగనుంది.
ఇదీ చదవండి:సిడ్నీ టెస్టు: రికార్డులపై కన్నేసిన రహానె