టీమ్ఇండియా యువ క్రికెటర్ రిషబ్ పంత్పై జట్టు ఫీల్డింగ్ కోచ్ ఆర్. శ్రీధర్ ప్రశంసలు కురిపించాడు. పంత్.. బ్యాటింగ్తో పాటు వికెట్ కీపింగ్పైనా దృష్టి సారించాడని తెలిపాడు. ఇంగ్లాండ్ పర్యటన కోసం పంత్ తగిన సమయాన్ని వెచ్చిస్తూ శిక్షణ పొందుతున్నాడని.. అతడి బ్యాటింగ్తో ప్రత్యర్థికి గుండెపోటు వచ్చే అవకాశం ఉందని అభిప్రాయపడ్డాడు.
"ఈ పర్యటనలో వికెట్ కీపింగ్లో పట్టు సాధించేందుకు రిషబ్ పంత్ తన బ్యాటింగ్ ప్రాక్టీసును త్యాగం చేసి గంట లేదా గంటన్నర పాటు శ్రమించిన సందర్భాలున్నాయి. పంత్ గురించి తెలుసుకోవాలనుకునే వారికి ఇది మంచి వార్త. ప్రస్తుతం అతడు మరింత మెరుగువుతున్నాడు. అతడి ప్రదర్శనతో ప్రత్యర్థికి గుండెపోటును తెప్పించగలడు. తన ప్రదర్శనతో మీకు ఊపిరాగిపోయేంత పని అవ్వొచ్చు. క్రికెటర్గా పంత్ ఓ గొప్ప ప్యాకేజీ. ప్రస్తుతం ఉన్న ఆటగాళ్లలో భయంలేని క్రికెటర్గా పంత్ నిలుస్తాడు. అలాగే అతడు లెఫ్ట్హ్యాండెడ్ బ్యాట్స్మన్.. దీనివల్ల మిడిల్ ఆర్డర్లో మార్పు కనిపిస్తుంది".
- ఆర్.శ్రీధర్, టీమ్ఇండియా ఫీల్డింగ్ కోచ్
ఆస్ట్రేలియా పర్యటనలో యువ బ్యాట్స్మన్ పంత్ బ్యాటింగ్లో రాణించాడు. ఆడిన మూడు టెస్టుల్లో రెండు అర్ధశతకాలను నమోదు చేసి.. మొత్తంగా 274 పరుగులు రాబట్టాడు. సిడ్నీ టెస్టులో కీలక విజయానికి ప్రధాన కారణమయ్యాడు. దీంతో ఆసీస్తో జరిగిన టెస్టు సిరీస్లో 2-1 తేడాతో టీమ్ఇండియా ఘనవిజయం సాధించింది.
ఇంగ్లాండ్, టీమ్ఇండియా మధ్య నాలుగు టెస్టుల సిరీస్ ఫిబ్రవరి 5 నుంచి ప్రారంభం కానుంది.
ఇదీ చూడండి: ఇషాంత్ లేకుండా గంభీర్ జట్టు.. బుమ్రాకు రెస్ట్!
