దక్షిణాఫ్రికా క్రికెటర్ ఏబీ డివిలియర్స్ తిరిగి జట్టులోకి రప్పించాలని ఆ దేశ సీనియర్లు భావిస్తున్నారు. ఇటీవల కోచ్గా నియమితుడైన మార్క్ బౌచర్.. ఏబీని రప్పిస్తానని చెప్పగా.. తాజాగా సఫారీల సారథి ఫాఫ్ డుప్లెసిస్ ఇదే విధంగా స్పందించాడు. 2020 టీ20 ప్రపంచకప్లో డివిలయర్స్ పునరాగమనం చేస్తే చూడాలనుందని చెప్పాడు.
"రెండు మూడు నెలల క్రితమే ఈ అంశంపై(డివిలియర్స్ పునరాగమనం) చర్చలు జరిగాయి. ప్రస్తుతం ఇంగ్లాండ్తో జరగనున్న టెస్టు సిరీస్పైనే దృష్టిసారించాం. అయితే టీ20 ఫార్మాట్ విభిన్నంగా ఉంటుంది." - ఫాఫ్ డుప్లెసిస్, దక్షిణాఫ్రికా కెప్టెన్
2018లో ఆస్ట్రేలియాతో జరిగిన టెస్టు సిరీస్తో అంతర్జాతీయ టెస్టులకు వీడ్కొలు పలికాడు. అంతకు కొద్ది రోజుల ముందు భారత్తో కెరీర్లో చివరి వన్డేసిరీస్ ఆడాడు డివిలియర్స్. 2017లో బంగ్లాతో చివరి టీ20 మ్యాచ్ ఆడాడు డివిలియర్స్.
ఇటీవలే దక్షిణాఫ్రికా మాజీ కెప్టెన్ గ్రేమ్ స్మిత్ ఆ జట్టు ఇంటిరిమ్ డైరెక్టర్గా బాధ్యతలు తీసుకున్నాడు. మాజీ ఆటగాడు మార్క్ బౌచర్ నూతన్ కోచ్ నియమితులయ్యాడు. ఈ నేపథ్యంలో జట్టుకు పూర్వవైభవం తీసుకొచ్చేందుకు ప్రయత్నిస్తున్నారు.
ఇదీ చదవండి: 'పౌర' నిరసనల నడుమ యథావిధిగా ఐపీఎల్ వేలం
