ప్రపంచవ్యాప్తంగా నూతన సంవత్సర వేడుకలు ఘనంగా జరిగాయి. 2019, గత దశాబ్దానికి వీడ్కోలు చెప్పి.. కొత్త ఏడాదికి ప్రజలంతా నూతనోత్సహంతో ఘనస్వాగతం పలికారు. ఈ సందర్భంగా భారత క్రికెటర్లు, మాజీలు.. సోషల్ మీడియా వేదికగా దేశ ప్రజలకు నూతన సంవత్సర శుభాకాంక్షలు చెప్పారు.
అందరికీ నూతన సంవత్సర శుభాకాంక్షలు. మీకు దేవుడి ఆశీస్సులు ఉండాలని కోరుకుంటున్నా. -విరాట్ కోహ్లీ
మీకు, మీ కుటుంబ సభ్యులకు నూతన సంవత్సర శుభాకాంక్షలు. 2020లో సంతోషంగా ఉండాలని కోరుకుంటున్నా. - వీరేంద్ర సెహ్వాగ్‌
అందరికీ నూతన సంవత్సర శుభాకాంక్షలు. కొత్త ఏడాదిలో అంతా మారిపోతుందని ఉత్సాహపడకండి. మారేది కేవలం క్యాలెండర్ మాత్రమే. మీ భాగస్వామి, ఉద్యోగం, లక్ష్యాలు ఏమీ మారవు. ఇది మీకు గుర్తుచేస్తున్నానంతే. - హర్భజన్ సింగ్
జయం దిశగా అడుగులు వేసేటప్పుడు ఎంతో దృఢంగా ఉండండి. మార్గం మధ్యలో ఎదురయ్యే కష్టాలు.. గెలిచిన తర్వాత వచ్చే ఆనందం కంటే ఎంతో చిన్నవి. అభిమానులకు, మిత్రులకు, కుటుంబ సభ్యులకు నూతన సంవత్సర శుభాకాంక్షలు. - మహ్మద్‌ షమి
మీకు, మీ ఆత్మీయులకు ఆ భగవంతుడు శాంతి, ఆనందాన్ని అందిస్తాడని ఆశిస్తున్నా. కొత్త జీవితం, ఉజ్వల భవిష్యత్తుకు స్వాగతం. నూతన సంవత్సర శుభాకాంక్షలు. - వీవీఎస్‌ లక్ష్మణ్‌
గత దశాబ్దానికి, 2019కి వీడ్కోలు. కొత్త ఏడాదికి ఘన స్వాగతం. ఈ నూతన దశాబ్దంలో ప్రపంచానికి దయ, ప్రేమను పంచడానికి మనం శ్రమించాలి. అందరికీ నూతన సంవత్సర శుభాకాంక్షలు. - సురేశ్‌ రైనా
