RaviBishnoi Westindies series: క్రికెట్ కెరీర్గా మైదానంలో అడుగుపెట్టిన ప్రతిఒక్క క్రికెటర్కు టీమ్ఇండియాలో చోటు ద్కకించుకుని సత్తా చాటాలనేదే కోరిక. కానీ ఆ అవకాశం అందరికీ రాదు. అయితే ఆ ఛాన్స్ తనకు దక్కడం ఎంతో ఆనందంగా ఉందని అన్నాడు యువ స్పిన్నర్ రవిబిష్ణోయ్. వెస్టిండీస్తో వన్డే, టీ20 సిరీస్ కోసం తాజాగా జట్టును ప్రకటించింది భారత క్రికెట్ బోర్డు. అందులో రవికి చోటు దక్కింది. మూడేళ్లలోనే అండర్-19 నుంచి జాతీయ జట్టులోకి అడుగుపెట్టాడు. దీంతో అతడి కుటుంబంలో సంబరాలు చేసుకున్నారు. తోటి ప్లేయర్లు, రవి కోచ్, కుటంబం కలిసి కేక్ కట్ చేసి సెలబ్రేషన్స్ చేసుకున్నారు. ఇంటి ముందు డ్యాన్స్లు వేస్తూ సరదాగా గడిపారు. రాజస్థాన్ సీఎం అశోక్ గ్లెహోత్ కూడా అతడికి శుభాకాంక్షలు చెప్పారు.
బిష్ణోయ్ను అంతకుముందే ఈ ఐపీఎల్లో కొత్తగా బరిలో దిగనున్న అహ్మదాబాద్ జట్టుకు కూడా అతడిని రూ.4 కోట్లు పెట్టి కొనుగోలు చేసింది. ఈ మెగాటోర్నీలో 2018 మార్చిలోరాజస్థాన్ రాయల్స్ నెట్ బౌలర్గా తీసుకుంది. అ తర్వాత అతడు పంజాబ్ కింగ్స్కు ప్రాతినిధ్యం వహించాడు. ఇప్పటివరకు ఆడిన 23 మ్యాచుల్లో 6.96 ఎకానమీ రేటుతో 24 వికెట్లు తీశాడు. ఐపీఎల్లో కనీస ధర రూ.20 లక్షలకు వేలంలో నిలిచిన ఇతడిని పంబాజ్ రూ. 2 కోట్లకు కొనుగోలు చేసింది.
అంతా ఆయన వల్లే..
ఐపీఎల్ నుంచి టీమ్ఇండియా వరకు తన ప్రయాణంలో భారత దిగ్గజం అనిల్ కుంబ్లే పాత్ర మరువలేనిదని అన్నాడు రవి బిష్ణోయ్. " భారత జట్టుకు ఎంపికవ్వడం గర్వంగా ఉంది. వచ్చిన అవకాశాన్ని సద్వినియోగం చేసుకుంటా. అనిల్ కుంబ్లే సార్ నుంచి చాలా విషయాలు నేర్చుకున్నాను. ఒత్తిడిలోనూ ఆత్మ విశ్వాసం కోల్పోకుండా ధైర్యంగా ముందుకు సాగితే మంచి ఫలితాలు ఉంటాయని ఆయన నన్ను ప్రోత్సాహించారు. మనలోని బలాలను గుర్తించి వాటిని సరైన సమయంలో ఉపయోగించుకోవాలని సూచించేవారు. మైరుగైన క్రికెటర్గా ఎదగడంలో ఈ సలహాలు, సూచనలు నాకెంతగానో తోడ్పడ్డాయి" అని రవి పేర్కొన్నాడు.
కెరీర్ ప్రారంభమిలా..
రాష్ట్రస్థాయి అండర్-16లో ఓ సారి, అండర్-19 విభాగంలో రెండు సార్లు ప్రయత్నించినప్పటికీ అతడికి మొదట అవకాశం రాలేదు. అనంతరం అండర్-19కు ఆడే అవకాశం వచ్చింది.
అండర్-16లో రెండు మ్యాచుల కోసం ఎంపికైనప్పటికీ అతడికి ఆడే అవకాశం రాలేదు. 2018లో రాష్ట్ర అసోసియేషన్ తరఫున బరిలో దిగిన అతడు ఐదు మ్యాచుల్లో 15 వికెట్లు తీశాడు. ఆ తర్వాత నేషనల్ బోర్డు తరఫున ఆడిన ఓ టెస్టులో ఐదు వికెట్లు దక్కించుకున్నాడు. అయినప్పటికీ అతడు అండర్-19కి ఎంపికవ్వలేదు. కానీ అతడి నిలకడ ప్రదర్శన వల్ల 2018-19 సీజన్లో ముస్తాక్ అలీ ట్రోఫీకి అతడు ఎంపికయ్యాడు. తన తొలి టీ20 మ్యాచ్ను తమిళనాడుపై ఆడాడు. తన తొలి యూత్ వన్డేను ఇంగ్లాండ్పై ఆడాడు. ఈ మ్యాచ్లో మూడు వికెట్లు తీశాడు.
2019 సెప్టెంబరులో విజయ్ హజారే ట్రోఫీలో భాగంగా జమ్ము కశ్మీర్తో జరిగిన మ్యాచ్తో లిస్ట్-ఏ అరంగేట్రం చేశాడు. అక్టోబర్లో దేవ్దర్, రంజీ ట్రోపీ కోసం ఇండియా-ఏ జట్టులో ఎంపికయ్యాడు. డిసెంబరులో అండర్-19 వరల్డ్ కప్(2020లో జరిగిన) కోసం భారత జట్టులో చోటు సంపాదించుకున్నాడు.
ఇదీ చూడండి:
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
