తాను ముగ్గురు ముఖ్యమంత్రులతోనూ నటించానని సీనియర్ నటి వై.విజయ చెప్పారు. 'అలీతో సరదాగా' కార్యక్రమానికి మరో నటి అన్నపూర్ణతో కలిసి హాజరయ్యారు. ఈ సందర్భంగా వీరిద్దరూ తమ జీవితం, కెరీర్కు సంబంధించిన పలు ఆసక్తికర విషయాల్ని వెల్లడించారు.
- " class="align-text-top noRightClick twitterSection" data="">
తన అసలు పేరు ఉమ అని చెప్పిన అన్నపూర్ణ.. అనుకోకుండా అవకాశం రావడం వల్ల 'నీడలేని ఆడది' సినిమాలో నటించానని అన్నారు. ఆ తర్వాత దాదాపు 700కు పైగా చిత్రాలు చేశానని చెప్పారు. ఇండస్ట్రీ, అమ్మ.. ఈ రెండంటే తనకు ప్రాణమని తెలిపారు. అలానే తనకు సినిమాల్లో ఆరుగురు భర్తలు ఉండేవారని వెల్లడించారు(నవ్వుతూ).
తన గురించి చెప్పిన వై.విజయ.. మూడేళ్ల వయసు నుంచే డ్యాన్స్ చేయడం మొదలుపెట్టానని అన్నారు. 13 ఏళ్లకే 'తల్లిదండ్రులు' సినిమాతో హీరోయిన్గా మారానని చెప్పారు. అందులో శోభన్బాబు, సావిత్రిలతో పాటు నటించానని అన్నారు. తనకు అప్పట్లో ఏం చేయాలో ఎలా చేయాలో తెలియకపోయినా సరే, డైరెక్టర్లు చెప్పినట్లే నటించేదానిని అని విజయ తెలిపారు. ముగ్గురు ముఖ్యమంత్రులతో(ఎమ్జీఆర్, ఎన్టీఆర్, జయలలిత) కలిసి నటించానని అప్పటి సంగతుల్ని గుర్తు చేసుకున్నారు. ఓసారి తన డేట్లు సర్దుబాటు కాక ఆర్జీవీ ఓ సినిమా షెడ్యూల్ను వాయిదా వేశారని చెప్పారు.
