హీరో మంచు విష్ణు.. 'ఆలీతో సరదాగా' కార్యక్రమానికి హాజరై పలు ఆసక్తికర విషయాల్ని వెల్లడించారు. పెద్దల అంగీకారంతో తను ప్రేమ వివాహం ఎలా చేసుకున్నానో వివరించారు. తన లవ్స్టోరీలో చాలా ట్విస్టుల ఉన్నాయని, వాటన్నింటిని పూసగుచ్చినట్లు చెప్పారు.
తాను వెరోనికా ఏడాది పాటు ఎవరికీ తెలియకుండా ప్రేమించుకున్నామని విష్ణు చెప్పారు. అయితే అమ్మకు దీని గురించి తెలిసినా.. నాన్నకు మాత్రం చాలారోజులు తెలియకుండా దాచిపెట్టానని అన్నారు. తాజ్కృష్ణలో వెరోనికా తాను ప్రతిరోజూ లంచ్కు కలిసేవాళ్లమని చెప్పిన విష్ణు.. ఒకానొక సందర్భంలో జరిగిన సంఘటన గుర్తు చేసుకున్నారు.
"ఎప్పటిలానే ఓ రోజు నేను, వెరోనికా లంచ్ కోసం రెస్టారెంట్కు వచ్చాం. సరిగ్గా అదే రోజు అనుకోకుండా నాన్న కూడా అక్కడికి వచ్చారు. అయితే రెస్టారెంట్ వాళ్లకు మా ప్రేమ గురించి ముందు నుంచే తెలుసు. ఓ రోజు సర్వర్ పరుగెత్తుకుంటూ పెద్ద సర్ వస్తున్నాడని నాకు చెప్పాడు. దీంతో ఏం చేయాలో తెలియక నాకు చెమటలు పట్టేశాయి. అప్పుడు మేనేజర్ వచ్చి, సర్ మీరు ఏం అనుకోనంటే కిచెన్ వెనక ఉన్న డోర్ నుంచి వెళ్లొచ్చు అని చెప్పారు. అలా అప్పుడు బయటపడ్డాం" అని విష్ణు ఆనాటి సంగతుల్ని చెప్పారు.
- " class="align-text-top noRightClick twitterSection" data="">
ఆ తర్వాత మీడియాలో న్యూస్ రావడం వల్ల తన ప్రేమ విషయం ఇంట్లో తెలిసిందని విష్ణు చెప్పారు. ఆ తర్వాత దాసరి పద్మ ఆంటీ రంగంలోకి దిగి, నాన్నకు నచ్చజెప్పారని తెలిపారు. అలా చాలా ట్విస్టులు తర్వాత పెద్దల అంగీకారంతో తన పెళ్లి జరిగిందని విష్ణు వెల్లడించారు.
ఇవీ చదవండి:
