srikanth movies as hero: హీరోగా మంచి గుర్తింపు ఉన్నప్పటికీ.. బాలకృష్ణ నటించిన 'అఖండ'లో విలన్గా మెప్పించారు నటుడు శ్రీకాంత్. కెరీర్ తొలినాళ్లలో విలన్గా కొన్ని పాత్రలో చేసినా.. అనంతరం హీరోగా 100కు పైగా సినిమాల్లో నటించి కుటుంబ ప్రేక్షకుల విశేష ఆదరణ పొందారు. అయితే 'అఖండ'లో పవర్ఫుల్ విలన్ పాత్ర చేయడం వల్ల ఆ తరహా పాత్రలు శ్రీకాంత్కు క్యూ కడతాయని బాలయ్య చెప్పారట. కానీ కొన్నాళ్లు హీరోగానే చేయాలని తనకు బాలకృష్ణ సూచించినట్లు శ్రీకాంత్ తెలిపారు.
"'అఖండ' సెట్లో ఉన్నప్పుడే బాలకృష్ణ గారు.. 'శ్రీకాంత్.. ఈ సినిమా తర్వాత నీకు విలన్ క్యారెక్టర్స్ భయకరంగా వస్తాయి. ఏది పడితే అది చేయొద్దు. హీరోగా కొన్ని సినిమాలు చేసుకుంటూ వెళ్లు. నా దగ్గర ఓ మంచి కథ ఉంది' అని .. ఓ ఇంగ్లీష్ సినిమా పేరు చెప్పారు. అది చాలా పాత సినిమా. ఆ కథను కృష్ణవంశీతో తెరకెక్కించాలని సూచించారు. 'నువ్వు హీరోగా చేయాల్సిందే.. నేనిస్తాను కథ' అంటూ చెప్పారు బాలయ్య."
-శ్రీకాంత్, నటుడు
ఆర్టిస్ట్ బాగుండాలని కోరుకునే వ్యక్తి..
"ఒక ఆర్టిస్ట్ను బాలయ్య చాలా గౌరవిస్తారు. వారు భవిష్యత్తులో ఏం చేస్తే బాగుంటుంది, ఆర్టిస్టులు మొహమాట పడకూడదు.. లాంటి మంచి సూచనలు చేస్తుంటారు. ఏదైనా చాలా బాగా చెప్తారు" అని శ్రీకాంత్ తెలిపారు.
సెట్లో బాలయ్య ఎలా ఉంటారంటే..?
ఇక సెట్లో బాలయ్య ఫుల్ ఎనర్జీతో ఉంటారని చెప్పారు నటి పూర్ణ. "బాలకృష్ణ.. పొద్దున నుంచి సాయంత్రం వరకు అదే ఎనర్జీతో ఉంటారు. ఒక్కరోజు కూడా అలసటతో కనిపించరు" అని వివరించారు. బాలయ్య.. సీన్ అయ్యే వరకు సెట్లో కూర్చోరని చెప్పారు శ్రీకాంత్. ఎండలో రెట్టింపు ఉత్సాహంతో పనిచేస్తారని వివరించారు.
- " class="align-text-top noRightClick twitterSection" data="">
ఇదీ చూడండి: బాక్సాఫీస్పై బాలయ్య సింహగర్జన.. 'అఖండ' @రూ.100కోట్లు!
