పాత జ్ఞాపకం చూసి సోనూసూద్ భావోద్వేగం

వలస కార్మికులను వారి సొంత రాష్ట్రాలకు చేరుస్తూ మంచి మనసు చాటుకుంటున్నాడు నటుడు సోనూసూద్. ఈ క్రమంలో ఇతడికి సంబంధించిన ఏ విషయమైనా నెట్టింట చక్కర్లు కొడుతోంది. తాజాగా సోనూసూద్​కు సంబంధించిన ఓ పాత జ్ఞాపకం సోషల్ మీడియాలో వైరల్​గా మారింది.

లాక్​డౌన్ కాలంలో దేశంలోని వలస కార్మికులకు మద్దతుగా నిలుస్తూ వారి సమస్యల్ని పరిష్కరిస్తున్నాడు నటుడు సోనూసూద్. ఈ సమయంలో అతడి గురించి తెలుసుకోవడానికి ఆసక్తి చూపిస్తున్నారు నెటిజన్లు. తాజాగా సోనూకు సంబంధించిన ఓ పాత జ్ఞాపకం నెట్టింట తెగ చక్కర్లు కొడుతోంది. అదేంటంటే అతడు 1997లో 24 ఏళ్ల విద్యార్థిగా ఉన్నపుడు తీసుకున్న లోకల్ రైల్వే పాస్.

సోనూసూద్‌ రూ.420 విలువ చేసే లోకల్‌ పాస్‌ను వాడినట్లు ఓ నెటిజన్ పాస్‌ను ట్వీట్ చేశాడు. ఈ పాస్​తో సోను రోజూ బోరివలీ నుంచి చర్చ్ గేట్ వరకు ప్రయాణం చేసేవాడని తెలిపాడు. దీనిని చూసిన నెటిజన్లు తెగ కామెంట్లు పెడుతున్నారు. దీనిని రీట్వీట్ చేస్తూ "జీవితం అనేది పూర్తి వృత్తం"లాంటిదని అన్నాడు సోనూసూద్.

• Life is a full circle ⭕️ https://t.co/XTVp1ysRaz

  — sonu sood (@SonuSood) May 29, 2020 " class="align-text-top noRightClick twitterSection" data="

  Life is a full circle ⭕️ https://t.co/XTVp1ysRaz

  — sonu sood (@SonuSood) May 29, 2020

  ">

  Life is a full circle ⭕️ https://t.co/XTVp1ysRaz

  — sonu sood (@SonuSood) May 29, 2020

కరోనా లాక్​డౌన్ వల్ల స్వరాష్ట్రాలకు వెళ్లడానికి ఇబ్బంది పడుతున్న వలస కార్మికులకు దన్నుగా నిలుస్తున్నాడు సోనూసూద్. బస్సులు ఏర్పాటు చేసి వారిని సొంతూళ్లకు పంపిస్తున్నాడు. ప్రతి ఒక్క కూలీ ఇంటికి చేరేవరకు ఈ పని కొనసాగిస్తానని చెబుతున్నాడు.