అందం, ఆకట్టుకునే అభినయంతో ఇన్నాళ్లు వెండితెరపై సందడి చేసిన సమంత.. ఇప్పుడు 'ఫ్యామిలీ మ్యాన్ 2' సిరీస్తో తొలిసారి ఓటీటీ మాధ్యమాలపై కనువిందు చేసేందుకు సిద్ధమవుతోంది. అమెజాన్ ప్రైమ్ డిజిటల్ ప్లాట్ఫామ్ నిర్మిస్తున్న ఈ సిరీస్.. ఇటీవలే చిత్రీకరణ పూర్తి చేసుకుంది. ప్రస్తుతం తన పాత్రకు డబ్బింగ్ చెప్పేందుకు సమంత సిద్ధమైంది. ఇందుకు సంబంధించిన ఫొటోలను ఇన్స్టాగ్రామ్ వేదికగా అభిమానులతో పంచుకుంది.
ఈ సిరీస్తో సమంత తొలిసారి డిజిటల్ వేదికు పరిచయమౌతోంది. మనోజ్ బాజ్పేయ్, ప్రియమణి, నీరజ్ మాధవ్, గుల్ పనాగ్లు కీలక పాత్ర పోషించారు. రాజ్ నిడిమోరు, డీకె కృష్ణ దర్శకులు. సిరీస్ విడుదల తేదీపై ఇంకా ఎటువంటి ప్రకటన వెలువడలేదు.
