టాలీవుడ్ ప్రముఖ హీరోలు రామ్చరణ్, జూ.ఎన్టీఆర్ నటిస్తున్న ప్రతిష్టాత్మక చిత్రం 'ఆర్.ఆర్.ఆర్'. 'బాహుబలి'తో అంతర్జాతీయ గుర్తింపు తెచ్చుకున్న ఎస్.ఎస్.రాజమౌళి దర్శకత్వం వహిస్తున్నాడు. అయితే ఈ సినిమా టైటిల్ ఇదేనంటూ ఓ వార్త వైరల్ అవుతోంది.
ఇప్పటికే టైటిల్ కోసం అభిమానుల నుంచి సలహాలు కోరిన చిత్రబృందం.. 'రామ రౌద్ర రుషితం' అనే పేరును ఖరారు చేసినట్లు సమాచారం. విదేశీ భాషల్లో 'రైజ్ రివోల్ట్ రివేంజ్' పేరుతో విడుదల చేయనున్నారట. ఈ విషయంపై అధికారిక ప్రకటన రావాల్సి ఉంది.
ఈనెల 22న కొమరం భీమ్ జయంతి సందర్భంగా సినిమాలో ఎన్టీఆర్ లుక్ విడుదల చేస్తారనే వార్తలు వినిపిస్తున్నాయి. ఇందులో చరణ్కు జోడీగా బాలీవుడ్ నటి అలియా భట్ నటిస్తోంది. ఎన్టీఆర్ సరసన కనిపించే కథానాయిక ఎవరనే విషయం ఇంకా ఖరారు కాలేదు.
ఇవీ చూడండి.. 50వ ఎడిషన్లో 50 ఏళ్ల నాటి సినిమాలు
