కరోనా కారణంగా దేశంలో ప్రస్తుతం లాక్డౌన్ అమల్లో ఉంది. ఈ పరిస్థితుల వల్ల బాలీవుడ్ జోడీ రణ్బీర్కపూర్-ఆలియా భట్ల పెళ్లి ప్రణాళిక మారిందని సమాచారం. డెస్టినేషన్ వెడ్డింగ్ కాస్త ముంబయిలో బ్యాండ్ బజా బరాత్ మధ్య జరగనుంది. ఈ విషయాన్ని వారి కుటుంబాలకు సన్నిహితుడైన ఓ వ్యక్తి చెప్పాడు.
రణ్బీర్-ఆలియా ఈ ఏడాది డిసెంబర్లో పెళ్లి చేసుకోనున్నారు. ఆ నెల 21న వివాహ వేడుకలు ప్రారంభమై, నాలుగు రోజులపాటు జరగనున్నాయట. వీటి గురించి త్వరలో అధికారికంగా ప్రకటించనున్నారు.
'బ్రహ్మాస్త్ర'లో తొలిసారి
రణ్బీర్-ఆలియా తొలిసారి జంటగా నటిస్తున్న సినిమా 'బ్రహ్మాస్త్ర'. కరోనా కారణంగా చిత్రీకరణ నిలిచిపోయింది. షెడ్యూల్ ప్రకారం ఈ ఏడాది డిసెంబర్ 4 న ప్రేక్షకుల ముందుకు ఈ చిత్రం రావాలి. కానీ అదే నెలలో వీరి పెళ్లి ఉండటం వల్ల విడుదల తేదీ మారే అవకాశాలు కనిపిస్తున్నాయి.
ఇదీ చదవండి: 'కరోనాను తరిమికొట్టేందుకు సూపర్హీరో అవుతా'
