డార్లింగ్ ప్రభాస్.. ప్రస్తుతం ఓ పీరియాడికల్ సినిమాలో నటిస్తున్నాడు. పూజా హెగ్డే హీరోయిన్. రాధాకృష్ణ దర్శకుడు. ఇటీవలే జార్జియాలో ఓ షెడ్యూల్ పూర్తి చేసుకుంది. అక్కడి నుంచి వచ్చిన తర్వాత చిత్రబృందమంతా హోం క్వారంటైన్లో ఉంది. ప్రస్తుతం లాక్డౌన్ కారణంగా షూటింగ్లు ప్రారంభంకావడానికి ఇంకాస్త సమయం పట్టేలా ఉంది. ఈ సమయంలో ప్రభాస్ తన అభిమానులకు ఓ సర్ప్రైజ్ ఇచ్చేందుకు సిద్ధమవుతున్నట్లు సమాచారం.
ఈ సినిమా నుంచి ప్రభాస్ ఫస్ట్లుక్ను ఈనెల రెండు లేదా మూడో వారంలో విడుదల చేయనున్నట్లు తెలుస్తోంది. ఈ విషయం ప్రస్తుతం సామాజిక మాధ్యమాల్లో హాట్ టాపిక్గా మారింది. ఫ్యాన్స్ 'ప్రభాస్20' హ్యాష్ట్యాగ్తో ట్వీట్లు చేస్తూ తమ అభిమానాన్ని చాటుతున్నారు. దీంతో ఈ ట్యాగ్ ట్విట్టర్లో నేషనల్ వైడ్ టాప్ ట్రెండింగ్లో కొనసాగుతోంది.
ఈ సినిమా కోసం 'ఓ డియర్', 'రాధే శ్యామ్' అనే పేర్లను ఇప్పటికే రిజిస్టర్ చేయించారు. కానీ వీటిలో ఏది ఇంకా ఖరారు చేయలేదు. యూవీ క్రియేషన్స్, గోపీకృష్ణ మూవీస్ సంయుక్తంగా ఈ సినిమాను నిర్మిస్తున్నాయి. వచ్చే ఏడాది వేసవికి ప్రేక్షకుల ముందుకు రానుంది.
