Akhanda Success Meet: నందమూరి నటసింహం బాలకృష్ణ-దర్శకుడు బోయపాటి శ్రీను కాంబినేషన్లో వచ్చిన 'అఖండ' అభిమానులకు ఫుల్మీల్స్ పెట్టేసింది. తెలుగు రాష్ట్రాల్లోనే కాకుండా ఓవర్సీస్లో కూడా హిట్ టాక్ కొట్టేసింది. ఈ నేపథ్యంలో చిత్రబృందం సక్సెస్ మీట్ ఏర్పాటు చేసింది. ఈ సందర్భంగా నందమూరి బాలకృష్ణ.. ప్రేక్షకులకు, అభిమానులకు కృతజ్ఞతలు తెలిపారు.
ఈ చిత్రానికి పనిచేసిన అందరికీ అభినందనలు తెలియజేస్తున్నాను. అలాగే ఈ చిత్రానికి ఇంత అఖండ విజయం అందించిన ప్రేక్షక దేవుళ్లకు, నా అభిమానులకు అందరికీ నా కృతజ్ఞతలు. కొత్తదనాన్ని తెలుగు వారు ఆదరిస్తారు అనడానికి ఉదాహరణ ఈ అఖండ. ఇది చలనచిత్ర పరిశ్రమ విజయం. తమన్ మంచి బాణీలు సమకూర్చారు. మా సినిమాలో ప్రతి ఒక్కరూ కూడా ఎంతో కష్టపడ్డారు. సినిమానే మా ధ్యేయం. నేను ఓ డైరెక్టర్ ఆర్టిస్ట్ని.. కాబట్టి డైరెక్టర్ ఎలా చెబితా అలా నడుచుకుంటాను.
-నందమూరి బాలకృష్ణ
అఖండ స్టార్ట్ అయినప్పటి నుంచి ఒక ట్రాన్స్లో ఉన్నాం. ఈ సినిమాలో వీలైనంత ఆధునికత జోడించేందుకు ప్రయత్నించాం. ఇది కేవలం భక్తి సినిమాగా కాకుండా యూత్ఫుల్గా ఉండేలా కృషి చేశాము. ఔట్పుట్ చూశాక చాలా సంతోషంగా ఉంది. ఈ సినిమాను అభిమానులు మాస్ జాతర చేశారు. బాలయ్య గారికి హిట్ వస్తే ఇండస్ట్రీకి హిట్ వచ్చినట్టే. ఈ అఖండ విజయాన్ని అందించిన అందరికీ ధన్యవాదాలు.
-తమన్, సంగీత దర్శకుడు
ఈ సినిమాని ఏకగ్రీవంగా హిట్ చేశారు. అందుకు చాలా ఆనందంగా ఉంది. ఈ సినిమా.. ప్రేక్షకులను, నందమూరి అభిమానులను ఆనందంలో ముంచెత్తింది. సినిమా హాళ్ల దగ్గర అభిమానుల సందడి చూసి చాలా రోజులైంది. అభిమానుల ఉత్సాహం చూశాక నేను సంతృప్తి చెందాను. ఈ చిత్రాన్ని ఇంత అద్భుతంగా హిట్ చేసిన ప్రేక్షకులకు, ఆదరించిన నందమూరి అభిమానులందరికీ నా కృతజ్ఞతలు తెలియజేస్తున్నాను. ఇది ఇండస్ట్రీ విజయం.
-బోయపాటి శ్రీను, దర్శకుడు
ఇదీ చూడండి : అఖండ 'మాస్ జాతర' కాదు.. అంతకుమించి.. ఇవే సాక్ష్యాలు!
