బాలీవుడ్ సీనియర్ నటి కరీనా కపూర్ ఖాన్(kareena kapoor).. సైఫ్ అలీ ఖాన్(saif ali khan)ను పెళ్లి చేసుకుని ఇద్దరు పిల్లలకు జన్మనిచ్చింది. ఇటీవలే మాతృత్వం గురించి తన అనుభవాలను పంచుకుంటూ ఓ పుస్తకాన్ని విడుదల చేసింది. 'ప్రెగ్నెన్సీ బైబిల్'(pregnancy bible) అనే టైటిల్తో రిలీజ్ అయిన ఈ బుక్లో ఇద్దరు పిల్లలకు తల్లి కావడం గురించి, తాను ఎదుర్కొన్న కష్టాలను గురించి వివరించింది. ఈ నేపథ్యంలో తైమూర్ జన్మించిన సమయంలో తాను పరిపూర్ణ తల్లిగా లేనని వెల్లడించింది.
"మొదటి సంతానం సమయంలో నేను పరిపూర్ణ తల్లినని భావించలేదు. ప్రారంభంలో తైమూర్కు డైపర్ తొడగడం కూడా సరిగా రాలేదు. కొన్నిసార్లు దాని ద్వారా మలం లీక్ అయ్యేది. ఆ సమయంలో అతడు 'తన తల్లికి డైపర్ కూడా సరిగా తొడగటం రాదు' అనుకుని ఉంటాడు! ఓ తల్లిగా మిగతా తల్లులకు ఇచ్చే సలహా ఒక్కటే. ఇది మీ సౌలభ్యం, పని తీరు గురించి. మీకైదేతే సరిగా అనిపిస్తుందో అదే చేయండి. మీరెంత గొప్పగా పని చేస్తే మీ తనయుడు అంత సౌకర్యంగా ఉంటాడు. అందుకే ఈ విషయాన్ని చాలా త్వరగా నేర్చుకున్నా."
-కరీనా కపూర్, బాలీవుడ్ నటి
ఈ ఏడాది ఫిబ్రవరిలో రెండో బిడ్డకు జన్మనిచ్చిన కరీనా.. అతడికి 'జే' అనే పేరు పెట్టినట్లు ఈ మధ్య వెల్లడించింది. తనకు రెండుసార్లు ప్రెగ్నెన్సీ సమయంలో ఎదురైన మానసిక, శారీరకంగా ఎదురైన సమస్యలను 'ప్రెగ్నెన్సీ బైబిల్' అనే పుస్తకంగా రాసింది. దానిని జులై 9న విడుదల చేసింది. ఇది తనకు మూడో బిడ్డలాంటిదని కరీనా చెప్పుకొచ్చింది.
అయితే 'బైబిల్' అనే పేరు తమ మనోభావాల్ని దెబ్బితీస్తోందని ఆల్ఫా ఒమెగా క్రిస్టియన్ మహాసంఘ్ అధ్యక్షుడు ఆశిష్ షిండే.. కరీనాపై శివాజీ నగర్ పోలీస్ స్టేషన్లో ఫిర్యాదు చేశారు. అయితే కేసు నమోదు చేసినప్పటికీ, ఎలాంటి ఎఫ్ఐఆర్ నమోదు కాలేదని పోలీస్ అధికారి ఒకరు వెల్లడించారు.
