ఇటీవలే దేశవ్యాప్తంగా సంచలనం సృష్టించిన పేరు వికాస్ దూబె. ఉత్తర్ప్రదేశ్లో ఎనిమిది మంది పోలీసులను హతమార్చిన ఈ గ్యాంగ్స్టర్ .. తర్వాత అదే పోలీసుల ఎన్కౌంటర్లో ప్రాణాలు కోల్పోయాడు. ఇప్పుడు దూబె జీవిత కథ ఆధారంగా ప్రముఖ బాలీవుడ్ దర్శకుడు హన్సల్ మెహతా ఓ వెబ్సిరీస్ను తెరకెక్కించనున్నాడు. నిర్మాత శైలేష్ ఆర్.సింగ్ ఇప్పటికే చిత్రీకరణ కోసం అవసరమైన అనుమతులు తీసుకున్నట్లు సమాచారం.
తాజాగా ఈ సిరీస్పై డైరెక్టర్ హన్సల్ మాట్లాడుతూ.. "ఇది ప్రస్తుత సమాజం, రాజకీయాలు, చట్టసభ సభ్యులు, నేరాల మధ్య ఉండే సంబంధాన్ని ప్రతిబింబిస్తుంది. వికాస్ దూబె ఘటనలో ఓ పొలిటికల్ థ్రిల్లర్ని చూశాను. ఈ వెబ్ సిరీస్ ఎంతో ఆసక్తికరంగా ఉండబోతోంది." అని చెప్పుకొచ్చారు.
