మాటల మాంత్రికుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ హీరోగా నటించిన చిత్రం 'అల వైకుంఠపురములో'. ఈ సినిమాలోని 'బుట్టబొమ్మా..బుట్టబొమ్మా' అంటూ సాగే పాట ప్రేక్షకులను ఎంతగానో ఆకట్టుకుంది. ఈ చిత్రం జనవరిలో విడుదలైనా ఈ పాట మాత్రం ఇప్పటికీ దమ్ములేపుతోంది.
తాజాగా 'బుట్టబొమ్మా' పూర్తి నిడివి పాటని యూట్యూబ్లో విడుదల చేశారు. ప్రస్తుతం యూట్యూబ్లో ఈ పాట 100 మిలియన్ల వీక్షణలను సొంతం చేసుకుంది. అంటే దాదాపు పదికోట్ల మంది ఈ పాటను చూశారన్న మాట. అంతేకాదు పాటకు పదిలక్షల లైక్‌లు కూడా లభించాయి. ఈ పాటకు సాహిత్యం, తమన్‌ సంగీతంతో పాటు కొరియాగ్రఫీ కూడా అన్నీ అద్దినట్టు కుదిరాయని అందుకే 'బుట్టబొమ్మా' ఇంతలా ఆకట్టుకుంటోందని పలువురు అభిప్రాయ పడతున్నారు.
- " class="align-text-top noRightClick twitterSection" data="">
