ఆ పాట పవన్​కల్యాణ్​ కోసం రాయలేదు!

'గబ్బర్​సింగ్'​లోని పిల్లా నువ్వులేని జీవితం అంటూ సాగే గీతం గురించి ఓ ఆసక్తిర విషయం బయటకొచ్చింది. ఈ పాటను తొలుత పవన్​ సినిమా కోసం రాయలేదని చెప్పుకొచ్చాడు సంగీత దర్శకుడు దేవిశ్రీ ప్రసాద్.

ఓ హీరో కోసం రాసుకున్న కథ మరొకరితో చేయాల్సిన పరిస్థితి దర్శకులకు అప్పుడప్పుడు ఎదురవుతుంది. అందుకు కారణాలు చాలానే ఉంటాయి. ఇలాంటి ఘటనలే సంగీత దర్శకులకూ జరుగుతుంటాయి. ఓ సినిమా కోసం కట్టిన బాణీ, అనుకోని పరిస్థితుల్లో మరో చిత్రానికి ఉపయోగించాల్సి వస్తుంది. అలా మార్పు జరిగి, సూపర్​ హిట్​ అయిన పాటే పవర్​స్టార్ పవనకల్యాణ్​ 'గబ్బర్​ సింగ్​'లోని 'పిల్లా నువ్వు లేని జీవితం'.

'పిల్లా అట్ట నవ్వేసేసి పారిపోమాకే బాబు.. మీరేంట్రా! నన్ను చూస్తున్నారు, ఎవడి డప్పు ఆడు కొట్టండెహే' అంటూ పవన్‌ డైలాగ్​లతో మొదలయ్యే ఈ పాట ఎంత హుషారెత్తిస్తుందో ప్రత్యేకంగా చెప్పనవసరం లేదు. ముందుగా ఈ గీతాన్ని మరో చిత్రం కోసం స్వరపరిచాడు దేవీ. కానీ, ఆ కథలో ఈ మాస్‌ బీట్‌ పెట్టే అవకాశం రాలేదు. అలా 'గబ్బర్​ సింగ్' ఆల్బమ్​లోకి వచ్చి చేరింది.

• " class="align-text-top noRightClick twitterSection" data="">

'గబ్బర్‌ సింగ్‌' షూటింగ్​ మొదలైనప్పుడు, అభిమానులను ఊపేసే మాస్ గీతం ఒకటి సిద్ధం చేయాలని హరీశ్​.. దేవీకి చెప్పాడు. అప్పుడు 'పిల్లా నువ్వులేని జీవితం' ట్యూన్​ వినిపించాడు. దానిని హరీశ్​ వెంటనే ఓకే చేశాడు. అప్పటికి పల్లవి మాత్రమే చెప్పినా, చరణాలు రాసే బాధ్యత దేవీనే తీసుకున్నాడు. ఈ పాటతో సంగీత దర్శకుడిగానే కాకుండా రచయితగానూ సంచలనం సృష్టించాడు.

ఇదీ చూడండి.. ఆ మూడు రోజులు 24x7 నాన్​స్టాప్​ షోలు