సినీ పరిశ్రమలో నటుడిగా, నిర్మాతగా తనకంటూ ప్రత్యేక గుర్తింపు తెచ్చుకున్నారు బండ్ల గణేశ్. రాజకీయాల్లోనూ హాట్టాపిక్గా నిలుస్తుంటారు. ఇటీవలే ఆయనకు కరోనా పాజిటివ్గా తేలడం ఇండస్ట్రీలో కలకలం రేపింది. ఈ మహమ్మారితో పోరాడి, వారంలోనే కోలుకున్నారు గణేశ్. అయితే ఇటీవలే ఓ యూట్యూబ్ ఛానెల్కు ఇచ్చిన ఇంటర్వ్యూ ప్రోమోలో పలు ఆసక్తికర విషయాలు పంచుకున్నారు.
సూపర్స్టార్ మహేశ్బాబు 'సరిలేరు నీకెవ్వరు' సినిమాలో తాను చేసిన గణేశ్ పాత్ర గురించి సంచలన వ్యాఖ్యలు చేశారు. ఈ రోల్ తనకు సంతృప్తినివ్వలేదని అన్నారు. ఆప్తులంతా ఎందుకు చేశావని తిట్టినట్లు వెల్లడించారు. దీంతో నటనకు వీడ్కోలు పలికే ఆలోచనలో ఉన్నట్లు పేర్కొన్నారు.
చాలా విరామం తర్వాత 'సరిలేరు నీకెవ్వరు'తో నటుడిగా రీఎంట్రీ ఇచ్చారు బండ్ల గణేశ్. సినిమా ప్రేక్షకాదరణ పొందినా, గణేశ్ పాత్ర అభిమానుల్ని ఆకట్టుకోవడంలో విఫలమయిన కారణంగా పై వ్యాఖ్యలు చేశారీ నటుడు.
ఇదీ చూడండి:కొత్త సినిమా ఫస్ట్లుక్పై స్పష్టతనిచ్చిన ప్రభాస్
