దేశం, భాషతో సంబంధం లేకుండా అందరినీ అలరిస్తున్న పాట 'బుట్టబొమ్మ'. ఐకాన్స్టార్ అల్లు అర్జున్, పూజా హెగ్డే జంటగా నటించిన 'అల వైకుంఠపురములో' చిత్రంలోని ఈ గీతం ఇప్పటికే ఎన్నో రికార్డులను సొంతం చేసుకుంది. ఇప్పుడు మరో అరుదైన ఘనత అందుకుంది. యూట్యూబ్లో నాలుగు మిలియన్ల(40లక్షల) లైక్స్ సాధించిన తొలి తెలుగు పాటగా రికార్డు నెలకొల్పింది. అంతకుముందు 601 మిలియన్ల(60 కోట్ల) వీక్షణలు సాధించిన తొలి తెలుగు పాటగానూ నిలిచింది.
- " class="align-text-top noRightClick twitterSection" data="">
బన్నీ, పూజ జంటగా నటించిన ఈ చిత్రానికి త్రివిక్రమ్ దర్శకత్వం వహించారు. తమన్ తన పాటలతో సినిమాపై అంచనాల్ని రెట్టింపు చేశారు. మూవీ విడుదలకు ముందే ఈ చిత్రానికి హిట్ టాక్ వచ్చిందంటే అందుకు కారణం ఈ సినిమా పాటలే. తమన్ సంగీతానికి అర్మాన్ మాలిక్ గాత్రం, అల్లు అర్జున్ స్టెప్పులు 'బుట్టబొమ్మ'కు ప్రాణం పోశాయి. ఈ పాటతో పాటు 'రాములో రాములో' కూడా యూట్యూబ్లో రికార్డు వ్యూస్తో కొనసాగుతోంది.
ఇదీ చూడండి: యూట్యూబ్లో కోట్ల వ్యూస్తో దూసుకెళ్తున్న తెలుగు పాటలు
