Akhanda 100 Days: బోయపాటి దర్శకత్వంలో బాలకృష్ణ హీరోగా నటించిన 'అఖండ' ఘనవిజయం సాధించింది. ఈ చిత్రం రిలీజై (మార్చి 12) శనివారంతో 100రోజులు పూర్తిచేసుకోనుంది. ఈ అఖండ విజయాన్ని పురస్కరించుకుని మార్చి 12న కర్నూలులో కృతజ్ఞత సభను నిర్వహించనుంది చిత్రబృందం. ఇక బాలయ్య కెరీర్లో కలెక్షన్ల పరంగా అతి పెద్ద సినిమాగా అవతరించింది 'అఖండ'. బాలయ్య నటనకు, యాక్షన్కు అభిమానులు ఫిదా అయిపోయారు. వారి ఈలలు, గోలలతో థియేటర్లు దద్దరిల్లాయి. తెలుగు రాష్ట్రాలతో పాటు ఓవర్సీస్లోనూ ఈ చిత్రం ఘన విజయాన్ని అందుకుంది. అక్కడి ప్రేక్షకులు కూడా అఖండకు బ్రహ్మరథం పట్టారు.
ఓటీటీలోనూ రికార్డు వ్యూస్..
Akhanda OTT Record: జనవరి 21న 'అఖండ' ఓటీటీలో విడుదలైంది. ఓటీటీలోకి వచ్చి 24గంటల్లోనే 1మిలియన్ స్ట్రీమింగ్స్ సాధించి అరుదైన రికార్డును నెలకొల్పింది. ఈ చిత్రానికి బోయపాటి శ్రీను దర్శకత్వం వహించగా, తమన్ సంగీతం అందించారు. ప్రగ్యాజైశ్వాల్‌ కథానాయిక. శ్రీకాంత్, జగపతిబాబు, పూర్ణ తదితరులు కీలక పాత్రలు పోషించారు.
బాలయ్య ప్రస్తుతం గోపిచంద్ మలినేని దర్శకత్వంలో నటిస్తున్నారు. శ్రుతిహాసన్ కథానాయిక. మైత్రీ మూవీ మేకర్స్ సంస్థ ఈ చిత్రాన్ని నిర్మిస్తోంది. మరోవైపు 'అన్స్టాపబుల్ విత్ ఎన్బీకే' టాక్ షోతో ఓటీటీ ప్రేక్షకుల్ని కూడా అలరిస్తున్నారు బాలకృష్ణ.
ఐమ్యాక్స్లో ఆర్ఆర్ఆర్
RRR Imax Version: 'ఆర్ఆర్ఆర్' లాంటి సినిమా చిన్న థియేటర్లలో చూస్తే కిక్కు ఏముంటుంది చెప్పండి. అందుకే ఈ సినిమాను ఎంచక్కా ఐమాక్స్లో చూసి ఎంజాయ్ చేయమని అంటోంది 'ఆర్ఆర్ఆర్' టీం. ఈ మేరకు ఓ పోస్టర్ను కూడా రిలీజ్ చేసింది. ప్రపంచవ్యాప్తంగా మార్చి 25న ఈ చిత్రం ప్రేక్షకుల ముందుకు రానుంది. ఇప్పటికే ఓవర్సీస్లో ప్రీమియర్స్కు రికార్డు స్థాయిలో టికెట్లు అమ్ముడయ్యాయి.
అమెరికాలో అడ్వాన్స్ బుకింగ్స్ ఓపెన్ చేసిన 10 గంటల్లోనే దాదాపు 5 లక్షల డాలర్లను సంపాదించింది. తెలుగు రాష్ట్రాల్లోనూ ప్రీమియర్ షోలు ప్రదర్శించాలని సన్నాహాలు చేస్తున్నారు. జనవరి 7నే విడుదల కావాల్సిన ఈ చిత్రం కరోనా కారణంగా వాయిదా పడినప్పటికీ.. క్రేజ్ మాత్రం ఏమాత్రం తగ్గలేదనేందుకు ఓవర్సీస్లో అడ్వాన్స్ బుకింగ్సే నిదర్శనం.
కాగా, లండన్లో ఒడియన్ బీఎఫ్ఐ ఐమాక్స్లోనూ 'ఆర్ఆర్ఆర్' ప్రదర్శనకానుంది. యూకేలోనే ఇది అతి పెద్ద ఐమ్యాక్స్ థియేటర్ అవ్వడం విశేషం. కాగా, ఈ తెరపై ప్రదర్శనకానున్న తొలి భారతీయ చిత్రం కూడా ఇదే. యూకేలో దాదాపు 1000 స్క్రీన్లపై 'ఆర్ఆర్ఆర్' రిలీజ్ కానున్నట్లు తెలిసింది.
ఇక ఈ చిత్రం ప్రపంచవ్యాప్తంగా మార్చి 25న విడుదల కానుంది. దాదాపు రూ.450కోట్ల భారీ బడ్జెట్తో నిర్మించిన ఈ మూవీలో రామ్చరణ్, ఎన్టీఆర్ ప్రధాన పాత్రలు పోషించారు. అజయ్ దేవగణ్, ఆలియా భట్, శ్రియ కీలక పాత్రలో నటించారు.
హత్య చిత్రంలో విజయ్..
విలక్షన నటుడు విజయ్ ఆంథోనీ మరోసారి థ్రిల్లింగ్ కథ చేస్తున్నారు. ఈ సినిమాకు 'హత్య' అనే టైటిల్ను ఖరారు చేశారు. దీనికి సంబంధించిన పోస్టర్ను విడుదల చేసింది చిత్రబృందం. ఈ చిత్రానికి డైరెక్టర్ బాలాజీ కుమార్ దర్శకత్వం వహించనున్నారు.
ఇదీ చూడండి: ఒక్క ఫైట్ కూడా లేని 'రాధేశ్యామ్'.. అందరినీ అలరిస్తుందా?
