డార్లింగ్ స్టార్ ప్రభాస్.. పలు సినిమాలతో పాటు 'ఆదిపురుష్'లోనూ చేస్తున్నారు. రామాయణం ఆధారంగా తెరకెక్కుతున్న ఈ చిత్రం గురించి ఇటీవల ఓ ఇంటర్వ్యూ పలు ఆసక్తికర విషయాలు చెప్పారు దర్శకుడు ఓం రౌత్.
30 వేల సంవత్సరాల క్రితం నాటి పరిస్థితులు ప్రతిబింబించేలా, 'ఆదిపురుష్' కోసం సెట్ రూపొందించామని ఓం రౌత్ చెప్పారు. తన పాత్ర కోసం ప్రభాస్ శరీరాకృతిపై దృష్టి పెట్టారని, ఈ సినిమాలో ప్రభాస్-సైఫ్ మధ్య అదిరిపోయే యాక్షన్ సన్నివేశాలు ఉంటాయని వెల్లడించారు. ఇప్పటికే 30 శాతానికిపైగా చిత్రీకరణ పూర్తయిందని అన్నారు.
ఇందులో ప్రభాస్ రాముడిగా, కృతిసనన్ సీతగా నటిస్తున్నారు. సైఫ్ అలీఖాన్ రావణాసురుడిగా కనిపించనున్నారు. వచ్చే ఏడాది ఆగస్టు 11న థియేటర్లలోకి ఈ సినిమా తీసుకురానున్నారు.
