WhatsApp Channel Creation : మెటా ఆధ్వర్యంలోని ప్రముఖ చాటింగ్ యాప్ వాట్సాప్.. వావ్ అనిపించే అప్డేట్తో మరోసారి యూజర్స్ ముందుకు వచ్చింది. అదే వాట్సాప్ ఛానల్ క్రియేషన్. దీనితో ఇక నుంచి వాట్సాప్ యూజర్లు.. తమ సొంత వాట్సాప్ ఛానల్ను క్రియేట్ చేసుకోవచ్చు. ప్రస్తుతానికి ఈ ఫీచర్ను కేవలం ప్రముఖులకు, సెలబ్రిటీలకు మాత్రమే అందిబాటులోకి తెచ్చారు. అయితే త్వరలోనే దీనిని ప్రతి ఒక్కరికీ అందుబాటులోకి తెస్తామని వాట్సాప్ తెలిపింది. మరి వాట్సాప్ ఛానల్ను ఎలా క్రియేట్ చేసుకోవాలో ఇప్పుడు తెలుసుకుందామా?
ఫోన్లో వాట్సాప్ ఛానల్ ఎలా?
How To Create WhatsApp Business Channel :
- మీ ఫోన్లో వాట్సాప్ను ఓపెన్ చేసి 'Updates Tab'పై క్లిక్ చేయాలి.
- అక్కడ మీకు (+) ఐకాన్ కనిపిస్తుంది. దానిపై క్లిక్ చేయండి.
- తర్వాత "New Channel"పై ట్యాప్ చేయాలి.
- అనంతరం ఆన్స్క్రీన్ ఇన్స్ట్రక్షన్స్ను ఫాలో అవుతూ 'Get Started'పై క్లిక్ చేయాలి.
- క్రియేట్ చేసిన ఛానల్కు ఒక పేరు ఇవ్వాలి.
- ఇక్కడ మీ ఛానల్కు మీకు నచ్చిన డిస్క్రిప్షన్, ఐకాన్ లేదా ప్రొఫైల్ పిక్ను యాడ్ చేసుకునే వీలుంది.
- దీని తర్వాత 'Create Channel'ను సెలెక్ట్ చేసుకోవాలి. అంతే మీ ఛానల్ రెడీ.
పీసిలో వాట్సాప్ ఛానల్ క్రియేట్ ఇలా!
- ముందుగా మీ పీసీలోని వాట్సాప్ వెబ్లోకి లాగిన్ అవ్వాలి.
- అక్కడ 'Channels' ఐకాన్పై క్లిక్ చేయాలి.
- తర్వాత "Create Channel"ను సెలెక్ట్ చేసి "Continue"పై ట్యాప్ చేయాలి.
- అనంతరం అప్లికేషన్ అడిగే ఆన్స్క్రీన్ ఇన్స్ట్రక్షన్స్ ఫాలో అవ్వాలి.
- పూర్తిగా ఛానల్ క్రియేట్ అవ్వడానికి మీ ఛానల్కు ఓ పేరును ఇవ్వాలి. దీనిని మీరు ఆ తర్వాత కూడా మార్చుకోవచ్చు.
- ఇక్కడ మీ ఛానల్ను కస్టమైజేషన్ చేసుకునే సౌలభ్యం కూడా ఉంది. అందువల్ల మీరు మీకు నచ్చిన డిస్క్రిప్షన్ను, ఐకాన్ను యాడ్ చేసుకోవచ్చు. లేదా స్కిప్ చేసి తర్వాత కూడా వాటిని యాడ్ చేయవచ్చు.
- అయితే ఛానల్ డిస్క్రిప్షన్లో మీరు ఛానల్ ఎందుకు పెట్టారు? దాని ఉద్దేశం ఏమిటి? మొదలైన వివరాలను సవివరంగా తెలియజేస్తే మంచిది. దీనితో మిమ్మల్ని అనుసరించే ఫాలోవర్స్కు మీ ఛానల్ మోటో ఏమిటో సులువుగా తెలుస్తుంది.
- అలాగే మీ ఛానల్కు ఓ లోగోను ఏర్పాటు చేసుకోవచ్చు. అంటే ఏదైనా మంచి ఫొటోను మీ గ్యాలరీ లేదా వెబ్ నుంచి డౌన్లోడ్ చేసుకోని లోగో పెట్టుకోవచ్చు.
- చివరగా "Create Channel"పై క్లిక్ చేయాలి. అంతే ల్యాప్టాప్ లేదా పీసీలో మీ ఛానల్ రెడీ.
భారత్ సహా 150 దేశాల్లో!
WhatsApp New Update Channel : మెటా కంపెనీ భారత్ సహా 150కిపైగా దేశాల్లో ఈ 'వాట్సాప్ ఛానల్స్' ఫీచర్ను లాంఛ్ చేసింది. అయితే ప్రస్తుతం ఈ అప్డేట్ కేవలం కొందరు బీటా టెస్టర్లు, సెలబ్రిటీలకు మాత్రమే అందుబాటులో ఉంది. అయితే ఇక్కడ ఉన్న ప్రత్యేకత ఏమిటంటే.. మిగతా సామాజిక మాధ్యమాల్లో ఫాలోవర్స్, వారు చేసే కామెంట్స కనబడుతూ ఉంటాయి. కానీ వాట్సాప్ ఛానల్కు సంబంధించిన ఫాలోవర్స్ వ్యక్తిగత వివరాలు లేదా వారు చేసే కామెంట్లు ఇతర ఫాలోవర్లకు కనబడవు.
అప్పుడే ఛానల్స్ షురూ!
ఈ వాట్సాప్ ఛానల్ క్రియేషన్ ఫీచర్ను ప్రస్తుతానికి కేవలం ప్రముఖులు, కొందరు బీటా టెస్టర్లకు మాత్రమే అందుబాటులో తెచ్చారు. ఈ నేపథ్యంలో ప్రముఖ బాలీవుడ్ నటీనటులు కత్రినా కైఫ్, దిల్జిత్ దొసాంజ్, అక్షయ్ కుమార్, నేహా కక్కర్ సహా తెలుగు హీరో విజయ్ దేవరకొండ ఇప్పటికే తమ సొంత వాట్సాప్ ఛానల్స్ను క్రియేట్ చేసుకున్నారు.
ఛానల్ ద్వారా క్రికెట్ అప్డేట్స్!
వాట్సాప్ ఛానల్ ఫీచర్ విషయంలో వాట్సాప్తో కలిసి పనిచేసేందుకు (భారత క్రికెట్ నియంత్రణ మండలి ఆసక్తి కనబరుస్తోంది. అక్టోబర్లో ప్రారంభంకానున్న ICC పురుషుల క్రికెట్ వరల్డ్ కప్ 2023 కోసం ఛానల్ను క్రియేట్ చేసేందుకు మేము ఇప్పటికే మెటాతో చర్చలు జరిపామని బీసీసీఐ ఓ ప్రకటనలో తెలిపింది. ఇద్దరి భాగస్వామ్యంతో క్రికెట్ అప్డేట్స్ సహా ఇతర ముఖ్యమైన వివరాలను ఎప్పటికప్పుడు యూజర్స్కు తెలియజేస్తామని భారత క్రికెట్ బోర్డు స్పష్టం చేసింది.
