ప్రముఖ మెసేజింగ్ యాప్ వాట్సాప్.. 'డిసప్పియరింగ్ మెసేజెస్' ఫీచర్పై కీలక ప్రకటన చేసింది. ఈ నెల చివరి నాటికి సాధారణ యూజర్లందరికీ ఈ ఫీచర్ అందుబాటులోకి వస్తుందని పేర్కొంది.
ఏమిటీ ఫీచర్..
వాట్సాప్లో ఒక యూజర్ మరో యూజర్కు పంపిన సందేశం ఏడు రోజుల తర్వాత దానంతటదే డిలీట్ అయిపోయేలా చేయడం ఈ ఫీచర్ ప్రత్యేకత. సంభాషణలను సులభతరం చేయడం సహా గోప్యతకు ప్రాధాన్యతనిస్తూ ఈ ఫీచర్ తీసుకువస్తున్నట్లు వెల్లడించింది వాట్సాప్.
వ్యక్తిగత చాటింగ్లలో పంపే వ్యక్తి ఈ ఫీచర్ను ఆన్ లేదా ఆఫ్ చేసుకునే వీలుంది. గ్రూప్లలో ఈ అధికారాలు అడ్మిన్లకు మాత్రమే ఉంటాయి.
దీనితో పాటు ఈ వారం మొదట్లో ప్రకటించిన స్టోరేజ్ మేనేజ్మెంట్ టూల్.. అతిత్వరలో అందుబాటులోకి వస్తుందని వివరించింది వాట్సాప్. ఈ సదుపాయం సెట్టింగ్స్లో ఉంటుందని తెలిపింది.
వాట్సాప్ స్టోరేజ్ను సమీక్షించడం, ఒకేసారి భారీ మొత్తంలో అన్నిరకాల సందేశాలను డిలీట్ చేయడం వంటి వాటికోసం ఈ ఫీచర్ ఉపయోగపడుతుంది.
ఇదీ చూడండి:రిలయన్స్ రిటైల్లో సౌదీ సంస్థ భారీ పెట్టుబడి
