మీరు పనిచేసే కొన్ని సందర్భాల్లో మెయిల్స్ ద్వారా పీడీఎఫ్, వర్డ్ ఫైల్స్ వస్తుంటాయి. సాధారణంగా వర్డ్ లేదా నోట్స్ రూపంలో ఉన్న డాక్యుమెంట్స్ను మాత్రమే మీరు ఎడిట్ చేయడానికి వీలుంటుంది. కానీ పీడీఎఫ్ను ఎడిట్ చేయలేరు. పోనీ.. ఏదైనా టూల్తో మీరు ఎడిట్ చేయాలని చూసినా, దానికి చాలా తతంగం ఉంటుంది. ఏదిఏమైనా రోజులు మారాయి.. ఇది 2021. ప్రపంచంలో చాలా మారాయి. ఆ విధంగా మైక్రోసాఫ్ట్ వర్డ్లోనే పీడీఎఫ్ ఫైల్ను ఎడిట్ చేసేందుకు ఓ మార్గం ఉంది. అదెలాగో తెలుసా?
పీడీఎఫ్ను ఎడిట్ చేసేందుకు విండోస్ 11 ఆపరేటింగ్ సిస్టమ్తో 2021లో విడుదల చేసిన ఉత్తమ ల్యాప్టాప్ వినియోగించాల్సి ఉంటుంది. అయితే ఈ ప్రక్రియ మైక్రోసాఫ్ట్ 365, వర్డ్ 2019, వర్డ్ 2016 టూల్స్లోనూ పనిచేస్తోంది. దీన్ని వర్డ్ 2007లో ప్రయత్నించినా.. అందులో ఆశించిన ఫలితం రాలేదు.
మైక్రోసాఫ్ట్ వర్డ్లో పీడీఎఫ్ ఫైల్ను ఎలా ఎడిట్ చేయాలంటే..
- మైక్రోసాఫ్ట్ వర్డ్లో గో టూ ఫైల్లోకి వెళ్లి ఓపెన్పై క్లిక్ చేయాలి.
- మీరు ఎడిట్ చేయాలనుకున్న పీడీఎఫ్ ఫైల్ను ఎంచుకోండి.
- ఆ వెంటనే మీరు ఎంచుకున్న పీడీఎఫ్ను వర్డ్ ఫార్మాట్లోకి మార్చాలా? అని వర్డ్ టూల్ అడుగుతుంది. దానికి మీరు ఓకే ఆప్షన్పై క్లిక్ చేయాలి. ఒకవేళ మీరు దానిపై క్లిక్ చేసినా.. ఒరిజినల్ పీడీఎఫ్లో ఎలాంటి మార్పుండదు.
మీరు ఒకసారి పీడీఎఫ్ను ఎడిట్ చేసే క్రమంలో అది డాక్యుమెంట్గా మారుతుంది. ఆ ఫైల్ను సేవ్ చేసే సమయంలో 'SAVE AS' అనే ఎంపికను ఎంచుకుంటే సరిపోతుంది.
వర్డ్ డాక్యుమెంట్ను పీడీఎఫ్లోకి మార్చుకోవాలంటే.. గో టూ ఫైల్లోకి వెళ్లి SAVE AS ఎంచుకొని, టైప్ బాక్స్లో టైటిల్ కింద భాగంలో పీడీఎఫ్ను ఎంచుకుంటే సరి. మీ ఫైల్ పీడీఎఫ్ రూపంలో భద్రంగా ఉంటుంది.
సలహా: పీడీఎఫ్ను వర్డ్లో ఎడిట్ చేసేందుకు ముందుగా.. మీ కంప్యూటర్ ఫార్మాట్ను సరిచూసుకోండి. మీరు వాడే మైక్రోసాఫ్ట్ వర్డ్ సరికొత్త వర్షన్ కాకపోతే దాన్ని అప్డేట్ చేయండి.
ఇదీ చూడండి.. భారీ కెమెరాతో మోటోరోలా నయా స్మార్ట్ఫోన్లు
