వరంగల్ గ్రామీణ జిల్లా రేబల్లె గ్రామానికి చెందిన ఓ మహిళ తన భర్త చనిపోవడంతో.. కూతురుతో కలిసి పుట్టింట్లో నివాసముంటుంది. ఆమె కుమార్తె.. ప్రస్తుతం కరోనా కారణంగా ఇంటివద్దే ఉంటుంది. గత నెల27న బాలిక అస్వస్థతకు గురైందని ఓ ఆర్ఎంపీ వైద్యునికి చూపించారు.
పరిస్థితి విషమించడంతో వరంగల్‌లోని ఎంజీఎం ఆసుపత్రికి తరలించగా... బాలిక అప్పటికే మృతి చెందింది. ఆ రోజే బాలిక మృతదేహాన్ని గ్రామానికి తీసుకొచ్చి ఖననం చేశారు. తన కూతురు సెల్‌ఫోన్‌లో ముగ్గురు యువకుల మెసేజ్‌లు ఉన్నాయని... మృతికి ఆ యువకులు కారణమై ఉండవచ్చని మహిళ అనుమానం వ్యక్తం చేస్తోంది.
వారిని విచారించి చర్యలు తీసుకోవాలని ఈనెల 3న సీపీకి ఫిర్యాదు చేసింది. ఈ విషయంపై దుగ్గొండి ఎస్సైని వివరణ కోరగా... పోస్టుమార్టం రిపోర్టు ఇంకా రాలేదని దాని ఆధారంగా కేసు నమోదు చేస్తామని తెలిపారు.
- ఇదీ చదవండి: అధికార పార్టీ నేతల కబ్జాలో ప్రభుత్వ భూమి!
