తాను పోలీస్ శాఖలో ఎస్సైనని.. ముఖ్యమంత్రి కేసీఆర్కు గన్మెన్ అంటూ నిరుద్యోగులను బురిడీ కొట్టిస్తున్న ఘరానా మోసగాడిని టాస్క్ఫోర్స్ పోలీసులు పట్టుకున్నారు. హైదరాబాద్ రేతిబౌలి ఇందిరానగర్కు చెందిన నందికొండ సంతోష్ ఇంటర్మీడియట్ వరకు చదువుతున్నాడు. కొంతకాలం ఎలక్ట్రిషీయన్, ఆ తర్వాత కారు డ్రైవర్గా పనిచేశాడు. జల్సాలకు అలవాటు పడి డబ్బుల కోసం నకిలీ పోలీస్గా అవతారమెత్తాడు. పోలీస్ శాఖలో ఎస్సైగా పనిచేస్తున్నట్లు, సీఎం కేసీఆర్ వద్ద ప్రగతిభవన్లో గన్మెన్గా పనిచేస్తున్నట్లు పలువురిని నమ్మించారు.
న్యాయశాఖలో ఒప్పంద ఉద్యోగాలు ఇప్పిస్తానంటూ నిరుద్యోగుల నుంచి డబ్బులు వసూలు చేసి మోసం చేశాడు. బాధితులు.. అతనిపై ఫిర్యాదు చేశారు. పోలీసులు సంతోష్పై నిఘా ఉంచి.. ఇంట్లో ఉన్న సమయంలో దాడి చేసి పట్టుకున్నారు. నిందితుడి నుంచి సఫారీ డ్రెస్సు, బొమ్మ తుపాకీ, ఎస్సై నకిలీ గుర్తింపు కార్డు, రూ. 25 వేలు స్వాధీనం చేసుకుని అరెస్ట్ చేసి రిమాండ్కు తరలించారు.
